1 DATU 16:26 - Sura' Madatu

²⁶ Urrundu’ mintu’ bate lalanna Yerobeam, anakna Nebat, sia unturu’ kasalan, napa’pesuan lako to Israel umpogau’i, naurunganni iatu penggauranna tu tae’ bang gai’na umpa’dikki penaanNa PUANG, Kapenombanna to Israel.

1 DATU 16:26 ပူးပေါင်းရင်းမြစ်များ

1 DATU 16:13

buntu tumangna mintu’ kasalan napogau’ Baesa sola Ela, anakna, sia kasalan napa’pesuan lako to Israel umpogau’i, naurunganni iatu penggauranna tu tae’ bang gai’na umpa’dikki penaanNa PUANG, Kapenombanna to Israel.

1 DATU 16:19

buntu tumangna mintu’ kasalan napogau’, belanna napogau’ tu apa kadake dio pentiroNa PUANG sia urrundu’ bate lalanna Yerobeam sia unturu’ kasalan mangka napogau’ tonna pa’pesuanni lako to Israel umpogau’ kasalan.

1 DATU 16:2

Tu belanna Kuangka’moko diong mai to’ barra’-barra’ angKu padadiko arungna taungKu to Israel, apa urrundu’moko bate lalanna Yerobeam sia ussua taungKu to Israel umpogau’ kasalan sia umpa’dikki penaangKu napobua’ mintu’ kasalanna,

1 DATU 16:27

Iatu tang dipokadannapa tu mintu’ tuna’na Omri sia mintu’ apa napogau’ sia kalalonganna, tang tisura’moraka lan sura’ ossoranna mintu’ datu Israel?

1 DATU 16:7

Sae dukami tu kadanNa PUANG lako Baesa sia mintu’ bati’na, tu nalopian nabi Yehu, anakna Hanani, belanna mintu’ kakadakean napogau’ dio pentiroNa PUANG sia belanna penggauranna tu umpa’dikki penaanNa Puang, naurunganni iatu kedona susi bati’na Yerobeam, sia belanna ia dukamo mangka umpatei tau iato mai.

PA’PUDIAN 31:6

Tamamo lisu pala’Mi kunii ussorong penaangku, mangkamo’ Milendokan, o PUANG, Puang Matua maruru’!

YEREMIA 10:3

Belanna iatu pekaalukanna mintu’ bangsa tae’ gai’na: belanna iatu apa iato susito kayu sanglongki’ lan mai pangala’, iamo panggaraga to pande tu diuasei;

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 18:15

Moi anna susito, tang nakilalai dukaNa’ taungKu; memala’ duka lako apa tae’ gai’na. Iamoto anna titodo tu tau iato mai dio lu lalanna, iamotu lalan masainna, belanna unnola lalan tang dibatatta,

YEREMIA 8:19

Perangiimi tu sarrona anakna baine taungku dio mai mintu’ tondok, kumua: Umbai tae’ PUANG dio Sion, umbai tae’ tu Datunna dio? – Ma’apari tu mai rapang-rapang dipodeatanna tau iato napa’dikki tu penaangKu, sia apa tang kebattuan dio mai padang tau.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

PENGGAURANNA RASULU’ 14:15

Nakua: E tau, ma’apari ammi pogau’ri te iannate? Kami te tolino duka bangsiakan susi kamu, sia umpa’peissanangkan Kareba-kaparannuan lako kalemi, kumua ammi memboko’ dio mai apa tae’ bua’na ammi lu lako Puang Matua matontongan, tu umpadadi langi’ sia lino sia tasik na mintu’ issinna.

PA’TOLE 32:21

Tau iato mai umpatiakka’ kanokangKu ditimba oloKu tete dio apa tangia kapenomban, sia umpamapa’di’ penaangKu diona apa tang kebattuan. Iamoto la Kupatiakka’ tu pangimburuanna tau iato mai diona to tangia bangsa, sia la umpamapa’di’ penaanna diona misa’ bangsa baga.