1 DATU 16:12 - Sura' Madatu

¹² Susimoto tu Zimri ummangsanni mintu’ bati’na Baesa, susitu kadanNa PUANG, tu Napokada diona Baesa, nalopian nabi Yehu,

1 DATU 16:12 ပူးပေါင်းရင်းမြစ်များ

1 DATU 14:18

Nalamunmi tau tu pia iato sia nabatingi mintu’ to Israel, susi kadanNa PUANG tu mangka Napokada nalopian nabi Ahia, taunNa.

1 DATU 15:16

Tontong bang tu kasirarianna Asa na Baesa, datu to Israel, temponna ma’parenta.

1 DATU 16:1

Iatonna attu iato saemi tu kadanNa PUANG lako Yehu, anakna Hanani, tu diona kamandasanna Baesa, nakua:

1 DATU 16:3

iamoto angKu la ummangsanni tu Baesa sola bati’na sia la Kupasusi bati’na Yerobeam, anakna Nebat, tu bati’mu.

1 DATU 16:7

Sae dukami tu kadanNa PUANG lako Baesa sia mintu’ bati’na, tu nalopian nabi Yehu, anakna Hanani, belanna mintu’ kakadakean napogau’ dio pentiroNa PUANG sia belanna penggauranna tu umpa’dikki penaanNa Puang, naurunganni iatu kedona susi bati’na Yerobeam, sia belanna ia dukamo mangka umpatei tau iato mai.

1 DATU 17:16

Iatu ta’pung lan kurin tae’ anna pura sia iatu minna’ lan tonde tae’ anna tappu, susitu kadanNa PUANG tu mangka Napokada nalopian Elia.

2 DATU 14:25

Naalamo sule tu lili’na Israel, randuk dio mai batatta lako Hamat sae lako tasik dio Araba, susitu kadanNa PUANG, Kapenombanna to Israel, tu mangka Napokada nalopian taunna, nabi Yunus, anakna Amitai, to dio mai Gat-Hefer.

2 OSSORANNA DATU 10:15

Tae’mi napasiolai datu tu palakunna to buda, belanna susimo Nalampak Puang Matua to, la Napalanda’ PUANG tu apa mangka Napokada lako Yerobeam, anakna Nebat, nalopian Ahia, to Silo.

2 OSSORANNA DATU 19:2

Malemi tu Yehu, anakna Hanani, umpessitammui, anna ma’kada lako datu Yosafat nakua: Sipaturokomika untundui tu to tang mekaaluk sia sisangmane to ungkabiri’ PUANG? Iamoto narampoikomi kare’dekan ara’na PUANG.

2 OSSORANNA DATU 20:34

Iatu tang dipokadannapa tu tuna’na Yosafat la dolona la undinna, manassa tisura’mo lan sura’ natonno’ Yehu, anakna Hanani, tu dipatama lan sura’na mintu’ datu Israel.

SARAMBU PEADA’ 26:6

Minda-minda umpa’pea kareba tete dio tobaga, susito unta’takki lette’na sia susito unniru’ apa parasun.