1 DATU 15:22 - Sura' Madatu

²² Napesuammi datu Asa unnarak mintu’ to Yehuda, moi misa’ tae’ tau torro; iatu batu sia kayu napake Baesa umbenteng Rama, nabaa nasang tau iato, na apa iamoto tu napake datu Asa umbenteng Geba lan lili’na Benyamin sia Mizpa.

1 DATU 15:22 ပူးပေါင်းရင်းမြစ်များ

1 DATU 15:17

Iatu Baesa, datu to Israel, ke’de’ ullaoi to Yehuda, anna bentengi tu Rama, la unnampangi lalan, kumua da naden misa’ tau tassu’ sia tama umpennoloi Asa, datu to Yehuda.

2 DATU 23:8

Nasuami tu mintu’ to minaa tassu’ lan mai mintu’ kota Yehuda sia naruttakki tu mintu’ inan madao tu nanii mintu’ to minaa untunu pemala’ randuk dio mai Geba sae lako Bersyeba. Sia narondonni tu mai inan madao tu dio lalan tama babanganna Yosua, pangulu kota, iamo dio rampe kairinna babangan kota, ke tamai tau.

2 OSSORANNA DATU 16:6

Naarakmi datu Asa tu mintu’ to Yehuda; iatu batu sia kayu napake Baesa umpematoto’i Rama, nabaa nasang tau iato; na apa iamoto tu napake Asa umpematoto’i Geba na Mizpa.

YEREMIA 40:10

Na iatu aku, manassa la torrona’ dio Mizpa, susito maraa dio tingayona to Kasdim, tu sae lako kaleta; apa iate kamu, mebua anggoro’komi sia mebua-buakomi sia urrampunkomi minna’ sia patamai pa’paniammi, ammi torro lan lu mintu’ kotami, tu la minii tontong torro.

YEREMIA 40:6

Susimoto tu kasaeanna Yeremia lako Gedalya, anakna Ahikam, dio Mizpa, anna torro sola dio lu to buda, tu torrona siapa dio padang iato.

YEREMIA 41:9

Iatu bubun nanii Ismael umpembuanganni tu mintu’ batang rabukna tau napatei, misa’ bubun kapua, iamotu nabo’bok datu Asa, belanna ungkataku’ Baesa, datu to Israel; bubun iamoto naponnoi Ismael, anakna Netanya, to dipatei.

ZAKHARIA 14:10

Iatu mintu’ padang tiku lao la dadi susi Padang marante randuk dio mai Geba sae lako Rimon, rampe lo’na lu Yerusalem; iatu kota iato la dipamatande sia la tontong dio inanna, randuk dio mai babangan Benyamin sae lako inan babangan dolo, sae lako babangan Tetuk, sia randuk dio mai menara Hananeel sae lako pa’parran anggoro’ datu.

YOSUA 18:24

Kefar-Haamonai, Ofni na Geba. Mintu’na to sangpulo dua kota sola kampongna.

YOSUA 18:26

Mizpa, Kefira, Moza,

YOSUA 21:17

Sia dio mai suku Benyamin iamotu Gibeon sola padang kariuanna, Geba sola padang kariuanna,

1 SAMUEL 7:5

Mangkato nakuami Samuel: Rampunni tu mintu’ to Israel lako Mizpa, angku pengkamoyangkomi lako PUANG.