1 DATU 15:13 - Sura' Madatu

¹³ Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

1 DATU 15:13 ပူးပေါင်းရင်းမြစ်များ

2 SAMUEL 15:23

Unnurruk-urrukmi tumangi’ tu mintu’ tau lan tondok, tonna lendu’ mintu’ to buda; ullambanmi salu Kidron tu datu sia iatu mintu’ to buda male lu lako padang pangallaran.

1 DATU 15:10

Patangpulo mmisa taunna ma’parenta dio Yerusalem; iatu indo’na disanga Maakha, anakna Abisalom.

1 DATU 15:2

Tallung taun ma’parenta dio Yerusalem; na iatu indo’na disanga Maakha, anakna Abisalom.

1 DATU 2:19

Saemi tu Batsyeba lako datu Salomo la umparampoi lako datu tu diona apa napokada Adonia. Ke’de’mi tu datu la umpessitammui indo’na, anna tukku lako; unno’ko’mi tu datu dao isungan kapayunganna, anna mesua umbanni isungan tu indo’ kadatuan, anna unnisung dio kananna datu.

2 DATU 10:26

Nabaami tassu’ lan mai banuanna tu mintu’ batu dipodeata, napura umballai.

2 DATU 18:4

Naratoimi tu mintu’ inan madao dinii memala’, sia natesse-tesse tu batu dipodeata sia nalelleng tu lentong kayu dipodeata, sia nanisak-nisak duka tu ula’ tambaga tu nagaragai Musa, belanna sae lako allo iato nanii to Israel memala’. Nasangaimi tau Nehustan.

2 DATU 23:4

Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 23:6

Sia napatassu’ duka datu tu lentong kayu dipodeata lan mai banuanNa PUANG lako salianna Yerusalem, lako salu’-salu’ Kidron, sia natunu dio biring salu’-salu’ Kidron sia nanisak-nisak nadadi au, namane ussamboranni dio to’ lamunanna to kamban.

2 OSSORANNA DATU 34:4

Natingayo datu tonna dirondonni tu mintu’ inan pemalaranna Baal; sia mintu’ inan pemalaran pantunuan dupa, tu daona lu nasanggang-sanggang sia iatu lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’ natesse-tesse sia nanisak-nisak, nasamboranni tu aunna dao lu lamunanna mintu’ to mangka umpemala’i.

KATASSURAN 32:20

Naalami tu anak sapi nagaragai tau iato mai, anna tunui sia nanisak-nisak samanissangna, anna ambo’i rokko to’ uai, nasuai tu to Israel unniru’i.

SURA’ KATOMINAAN 26:30

Sia la Kusanggang tu inan madao sia la Kusabu’i tu inan pemalaran pantunuan dupammi sia la Kupembuangan tu batang rabukmi dao batang rabukna deatammi sia la Kukalilukomi.

ZAKHARIA 13:3

Ianna denpa misa’ tau ma’nubua’, manassa iatu ambe’na sia indo’na, tu undadianni, la ma’kada lako nakua: Tae’mo mula tuo, belanna mangkamoko ma’kada tang tongan tete dio sanganNa PUANG; ondongpi iatu ambe’na sia indo’na, tu undadianni, la untobokki, ke ma’nubua’i.

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

YOHANES 18:1

Iatonna mangka Yesu ma’kada susito, sunmi Namale sola anak gurunNa lian nabala salu’-salu’ disanga Kidron; inde to dio den misa’ pa’lak; malemi tu Yesu sola anak gurunNa tama.

2 KORINTUS 5:16

Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.

GALATIA 2:14

Apa iatongku tiroi tu gau’na tinde tau tang situru’mo kamanapparanna Kareba-kaparannuan, kukuami ungkuan Kefas dio tingayona mintu’ tau: Iake to Yahudiko, ammu ma’gau’ to kapere’, tang ma’gau’ to Yahudi, umba la mukua umparukui tu to kapere’ ma’gau’ to Yahudi?

PA’TOLE 33:9

tu napokada diona ambe’na sia indo’na kumua, tae’ kutiroi; iatu siulu’na tae’ natandai sia iatu mai anakna tae’ naissanni. Belanna ungkaritutui kadamMi sia ungkanannangi basseMi.

PA’TOLE 7:5

Apa la mipogau’ lako kalena susite, iamotu la mirondon tu inan pemalaranna sia la mitesse tu batu dipodeatanna sia la milelleng tu lentong kayu dipodeatanna sia la miballa tu rapang-rapang dipodeata dipa’na.

PA’TOLE 9:21

Apa iatu panggaragammi tu mipokasalan, iamotu anak sapi mangka migaragai, kuala, angku ballai sia kutesse-tesse angku nisak-nisakki sae lako mendadi susi barra’-barra’. Iatu barra’-barra’ iato kutibe rokko salu’-salu’, tu lolong dao mai buntu iato.

YOSUA 6:24

Apa iatu kota iato sola mintu’ apa lan naballa api; sangadinna salaka, bulaan sia mintu’ pareanan tambaga sia bassi napatama pangannan iananna banuanNa PUANG.