1 DATU 14:23 - Sura' Madatu

²³ Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

1 DATU 14:23 ပူးပေါင်းရင်းမြစ်များ

1 DATU 12:31

Sia nagaragapa tu banua pemalaran dao lu inan madao, anna angka’i dadi to minaa ba’tu pira-pirai tu tau iato mai tu tangia suku to Lewi.

1 DATU 14:15

La Napata’pai lima PUANG tu to Israel, naurunganni susito marrang narogan uai, sia Naalai tu to Israel lan mai padang maelo, tu mangka Nakamasean nene’ to dolona, sia la Napasisarak-sarak sae lian sambalinna lu salu Efrat, belanna nagaragai tu mintu’ lentong kayu napodeata, tu umpa’dikki penaanNa PUANG.

1 DATU 15:12

Naula’i lan mai tondok tu mai to ma’gau’ sala dio to’ dipa’deatainna sia napembuangan tu mintu’ rapang-rapang dipodeata nagaragai nene’ to dolona.

1 DATU 20:23

Ma’kadami lako datu Aram tu mintu’ to mase’ponna, nakua: Iatu Kapenombanna tau iato iamotu kapenomban dao lu buntu; iamoto anna sau’kanni. Apa iake kirarii dio lu merrantena, manassa kitaloi.

1 DATU 3:2

Attu iato iatu mintu’ to buda dao bangpa mintu’ inan madao nanii memala’, belanna sae lako allo iato tae’pa banua dipabendanan sanganNa PUANG.

1 DATU 3:3

Sia napapayan Salomo tu kamamaliranna lako PUANG diona unturu’ apa napondok Daud ambe’na; apa dao bangpa inan madao nanii memala’ sia untunu pemala’ ditunu pu’pu’.

2 DATU 10:26

Nabaami tassu’ lan mai banuanna tu mintu’ batu dipodeata, napura umballai.

2 DATU 16:4

Sia mantunu sia memala’ dao inan madao, dao lu buntu sia diong lu garonto’ kayu maluna.

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 17:19

Ia duka tu mai to Yehuda tae’ nakaritutui tu pepasanNa PUANG, Kapenombanna, sangadinna unturu’ mintu’ aluk napoaluk to Israel.

2 OSSORANNA DATU 24:18

Naboko’imi tau iato mai tu banuanNa PUANG, Kapenombanna nene’ to dolona, sia umpenombai lentong dipodeata sia rapang-rapang dipodeata naurungan narampoi kasengkean kapua tu Yehuda sia Yerusalem napobua’ kasalanna.

2 OSSORANNA DATU 28:4

Memala’ sia untunu pemala’ dao inan madao, dao tanete sia diong lu mintu’ garonto’ kayu maluna.

KATASSURAN 34:13

Sangadinna la mirondonni tu mintu’ inan pemalaranna sia la mipoka-poka tu mintu’ batu napodeatanna sia la milelleng tu mintu’ lentong napodeatanna.

YESAYA 57:5

E kamu, to umpasau kamoraiammi dio to’ garonto’ kayu tarpin sia diong lu mintu’ garonto’ kayu maluna; sia kamu tu urrere’ anakmi diong lu mintu’ lombok sia lan lu mintu’ sapak buntu batu.

YEREMIA 17:2

iamotu tanda kapengkilalan tu umpasala tau iato mai, sia dio lentong dipodeata diong lu mintu’ garonto’ kayu maluna sia dao bottona mintu’ tanete,

YEREMIA 2:20

Belanna tempon diopa mai ammu tessei tu ayokamu sia muka’tuan tu peporimmu ammu ma’kada kumua: Manokamo’ la dipokaunan. Apa dio lu mintu’ tanete malangka’ sia diong lu garonto’ kayu maluna munii mamma’ ma’gau’ sala.

YEREMIA 3:13

Apa la mutandai tu kakadakeammu kumua mangkamoko sorong boko’ dio mai PUANG, Kapenombammu sia male punala bangko lako to sae diong lu garonto’ kayu maluna sia tae’ muperangii tu gamarangKu, kadanNa PUANG.

YEHEZKIEL 6:13

Attu iato la mitandai, kumua Akumo tu PUANG, ke tibambangmi tu to matena tau iato mai lan lu tangnga rapang-rapang dipodeatanna tiku lao inan pemalaranna dao lu mintu’ tanete madao, dao lu mintu’ botto buntu, diong lu mintu’ garonto’ kayu maluna sia diong lu mintu’ kayu tarpin makampu, tu nanii tu tau iato mai untunu apa busarungngu’ lako mintu’ rapang-rapang dipodeatanna.

YEHEZKIEL 6:3

E mintu’ buntu Israel, perangii tu kadanNa Puangta PUANG: inde sia tu kadanNa Puangta PUANG lako mintu’ buntu sia tanete, sia salu’-salu’ marangke sia lombok: Manassa la Kuparampoikomi pa’dang sia mintu’ inan madaomi la Kusanggang.

YEHEZKIEL 6:6

Umba-umba tu munii torro, la disabu’i tu mintu’ kota sia la dipopempadang talo tu inan madao, anna disanggang tu inan pemalarammi sia tang dipoinaamo, iatu pa’deatammi ditesse-tesse sia disabu’i, iatu inan pemalaran pantunuan dupami dile’to-le’to sia iatu panggaraga limammi la diro’pok-ro’pok.

HOSEA 10:1

Iatu Israel misa’ garonto’ anggoro’ loboran; satarri’-tarri’na tu buanna, sanarangngan-rangnganninna tu inan pemalaranna, samelo-melona tu padangna, sanaballo-balloinna tu batu dipodeata.

SURA’ KATOMINAAN 26:1

Da migaragan kalemi rapang-rapang dipodeata; iamotu mai rapang-rapang dipodeata dipa’, ba’tu batu dipodeata da mipabendananni kalemi; susi duka tu batu dia’ga rapang-rapang da mipabendanni lan tondokmi, ammi tukku umpenombai, belanna Akumo tu PUANG, Kapenombammi.

MIKHA 5:14

Sia la mapallaNa’ sia re’dek ara’Ku la umpabala’i tu bangsa manoka ma’perangi.

PA’TOLE 12:2

La misanggang tu mintu’ inan, tu nanii menomba lako deatanna tu mintu’ bangsa, tu lili’na miala mipoapa, iamotu dao lu buntu malangka’ sia dao lu buttu-buttu sia diong lu mintu’ kayu maluna.

PA’TOLE 16:22

Da duka mupabendan batu dipodeata, belanna iatu iannato Nakabiri’ PUANG, Kapenombammu.