1 DATU 14:22 - Sura' Madatu

²² Iatu to Yehuda umpogau’ apa kadake dio pentiroNa PUANG, sia umpa’dikki penaanNa Puang, anNa mangimburu losong pole’ na lako nene’ to dolona, napobua’ kasalan napogau’ tau iato mai.

1 DATU 14:22 ပူးပေါင်းရင်းမြစ်များ

1 DATU 14:9

Apa umpogau’moko kadake losong anna mintu’ to dolo na iko sia malemoko unggaraga senga’na dipa’deatainna sia rapang-rapang dipodeata dipati’no’ la umpa’dikki penaangKu sia musualeNa’ lako boko’mu.

1 DATU 16:30

Iatu Ahab, anakna Omri, umpogau’ apa kadake dio pentiroNa PUANG, mandu kadake anna iatu mintu’ to dolona.

2 DATU 17:19

Ia duka tu mai to Yehuda tae’ nakaritutui tu pepasanNa PUANG, Kapenombanna, sangadinna unturu’ mintu’ aluk napoaluk to Israel.

2 DATU 21:11

Belanna napogau’mo Manasye, datu Yehuda, te penggauran megallian iate, napogau’ tu apa mandu kadake na iatu mintu’ apa napogau’ to Amori tu dolo na ia; sia nasuapa tu to Yehuda umpogau’ kasalan diona kaumpenombaianna deatanna.

2 OSSORANNA DATU 12:1

Iatonna pabantangmi Rehabeam tu kadatuanna sia matoto’mo, naboko’imi tu Sukaran alukNa PUANG sola mintu’ to Israel.

2 OSSORANNA DATU 12:14

Napogau’ tu apa kadake, belanna tae’ natontong tu penaanna la undaka’ PUANG.

PA’PUDIAN 78:58

Tau iato mai umpare’dek ara’Na Puang diona kamenombanna dao lu inan madao, sia umpabu’tu pangimburuanNa diona mintu’ rapang-rapangna napodeata.

YEREMIA 52:2

Napogau’ tu apa kadake dio pentiroNa PUANG, susi mintu’ penggauranna Yoyakim.

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

1 KORINTUS 10:22

Ba’tu la untimbariki’ka oloNa Puang? Kitaraka la matoto’ anna Puang?

PA’TOLE 29:28

kumua iatu PUANG ussabu’imo tau iate mai lan mai tondokna sia Naali’ lako tondok senga’ diona kasengkeanNa sia kare’dekan ara’Na sia kamalassuan penaanNa, susi a’ganna totemo.

PA’TOLE 4:24

Belanna iatu PUANG, Kapenombammu, susito misa’ api ma’pamampu’ sia Kapenomban noka ditimba oloNa.

TO PARENGNGE’ 3:12

Apa napogau’ pole’omi to Israel tu apa kadake dio pentiroNa PUANG; iamoto Napamawatangmi PUANG tu Eglon, datu Moab, ussau’ to Israel, belanna napogau’ tu apa kadake dio pentiroNa PUANG.

TO PARENGNGE’ 3:7

Napogau’mi to Israel tu apa kadake dio pentiroNa PUANG, tang nakilalaimo tu PUANG, Kapenombanna, sia umpengkaolaimo mintu’ Baal sia Asyera.

TO PARENGNGE’ 4:1

Iatonna matemo tu Ehud, napogau’ pole’omi to Israel tu apa kadake dio pentiroNa PUANG.