1 DATU 14:21 - Sura' Madatu

²¹ Iatu Rehabeam, anakna Salomo, ma’parenta dio Yehuda. Patangpulomo mmisa taunna Rehabeam, tonna dadi datu, anna sangpulo pitu taunna ma’parenta dio Yerusalem, iamotu kota Napilei langsa’ PUANG dio lu mintu’ suku Israel, la Nanii umpatulangdan sanganNa. Iatu indo’na disanga Naama, to Amon.

1 DATU 14:21 ပူးပေါင်းရင်းမြစ်များ

1 DATU 11:1

Iatu datu Salomo ungkamali’mo ba’tu pira-pira baine bangsa senga’, boko’ ia tu anakna Firaun, iamotu baine Moab, Amon, Edom, Sidon na Het,

1 DATU 11:32

Apa iatu misa’ suku la dio kalena, belanna Daud, taungKu, sia Yerusalem, iamotu kota tu mangka Kupilei langsa’ dio mai mintu’ suku to Israel.

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

1 DATU 11:43

Mangkato malemi tama batu dilobang sola nene’ to dolona sia dipeliang lan kotana Daud, ambe’na, na Rehabeam, anakna muane, ussondai dadi datu.

1 DATU 12:17

Apa iatu mintu’ to Israel tu torro lan mintu’ kota Yehuda, Rehabeam duka tu napodatu.

1 DATU 14:20

Iatu Yerobeam duangpulo ndua taunna ma’parenta. Mangkato malemi tama batu dilobang sola nene’ to dolona na Nadab, anakna muane, ussondai dadi datu.

1 DATU 14:31

Mangkato malemi tama batu dilobang tu Rehabeam sola nene’ to dolona, anna dipeliang lan kotana Daud, lan liangna nene’ to dolona. Iatu indo’na, disanga Naama, to Amon. Anna Abiam, anakna muane, ussondai dadi datu.

1 DATU 22:42

Iatonna dadi datu tu Yosafat tallungpulo llima taunna, anna ma’parenta duangpulo llima taunna dio Yerusalem. Iatu indo’na disanga Azuba, anakna Silhi.

1 DATU 8:16

Randuk dio mai allo Kunii ussolan taungKu sun lan mai Mesir, tae’ angKu pilei langsa’i tu misa’ kota dio lu mintu’ sukunna to Israel, la dinii umbangunni tu misa’ banua, kumua anna nii sangangKu lan, sangadinna Kutonno’ bua kayumo tu Daud la umpangului tu taungKu Israel.

1 DATU 8:29

kumua Mitiroi allo bongi te banua iate, iamotu inan tu mangka Mipokada kumua: Iatu sangangKu la inde to dio – amMi perangii tu passambayang, tu la napennoloan taumMi lan inan iate.

1 DATU 8:44

Iake sunni tu taumMi la sirari ualinna lako lalan Mipapatuanni sia massambayang lako PUANG mentingo lako kota iate, tu mangka Mipilei langsa’, sia lako banua iate, tu mangka kubangunan sangamMi,

2 OSSORANNA DATU 12:1

Iatonna pabantangmi Rehabeam tu kadatuanna sia matoto’mo, naboko’imi tu Sukaran alukNa PUANG sola mintu’ to Israel.

2 OSSORANNA DATU 12:13

Iatu datu Rehabeam umpamatoto’ parentana dio Yerusalem. Patangpulomo mmisa taunna Rehabeam, tonna dadi datu, anna sangpulo pitu taunna ma’parenta dio Yerusalem, iamotu kota Napilei langsa’ PUANG dio lu mintu’ suku Israel, la Nanii umpatulangdan sanganNa. Iatu indo’na disanga Naama, to Amon.

2 OSSORANNA DATU 13:7

Sirampunmi dio tu ba’tu pira-pira to tae’ gai’na sia to bulituk, tu ussau’ Rehabeam, anakna Salomo, tonna mangurapa tu Rehabeam sia malamma’pa penaanna, naurungan tang nakullepa unneai tu tau iato mai.

KATASSURAN 20:24

GaraganNa’ misa’ inan pemalaran litak sia pemalaranni dao tu mintu’ pemala’ pantunu pu’pu’mu sia pemala’ kasalamarammu, iamotu bembe’ sola domba sia sapimmu. Iatu mintu’ inan, tu Kupadadi misa’ kapengkilalan diona sangangKu, inde to dio Kunii songlo’ lako kalemu sia umpamasakkeko.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

PA’TOLE 12:21

Iatu inan Napilei PUANG, Kapenombammu, la Nanii umpannii sanganNa, ke mambela tonganni dio mai kalemu, manassa la mutunu tu ba’tu pira-pira sapi sia domba sia bembe’ tu mangka Nakamaseangko PUANG, susitu mangka kupepasanan lako kalemu, ammu kandei sangapa-apa muporai lan mintu’ pa’tondokammu.

PA’TOLE 12:5

Apa iatu inan Napileimo PUANG, Kapenombammi, dio mai lili’na mintu’ sukummi la Napannii sanganNa dio sia Nanii ma’tondok, iamoto tu la midaka’ sia la minii male lako.

PA’TOLE 23:3

Iatu to Amon ba’tu to Moab tae’ nama’din tama kombonganNa PUANG; moi sae lako osso’ ma’pessangpulo tae’ nama’din len tama kombonganNa PUANG,