1 DATU 14:19 - Sura' Madatu

¹⁹ Iatu tang dipokadannapa tu mintu’ tuna’na Yerobeam, umba nakua parari sia umba nakua ma’parenta, manassa iatu iannato tisura’mo lan sura’ ossoranna datu to Israel.

1 DATU 14:19 ပူးပေါင်းရင်းမြစ်များ

1 DATU 14:20

Iatu Yerobeam duangpulo ndua taunna ma’parenta. Mangkato malemi tama batu dilobang sola nene’ to dolona na Nadab, anakna muane, ussondai dadi datu.

1 DATU 15:31

Iatu tang dipokadanna tu mintu’ tuna’na Nadab, sia mintu’ apa napogau’, tang tisura’moraka lan sura’ ossoranna datu Israel?

1 DATU 16:14

Iatu tang dipokadannapa tu mintu’ tuna’na Ela sia mintu’ apa napogau’, tang tisura’moraka lan sura’ ossoranna mintu’ datu Israel?

1 DATU 16:20

Iatu tang dipokadanna tu mintu’ tuna’na Zimri sia iatu kasiturusan natampa tang tisura’moraka lan sura’ ossoranna mintu’ datu Israel?

1 DATU 16:27

Iatu tang dipokadannapa tu mintu’ tuna’na Omri sia mintu’ apa napogau’ sia kalalonganna, tang tisura’moraka lan sura’ ossoranna mintu’ datu Israel?

1 DATU 16:5

Iatu tang dipokadannapa tu mintu’ tuna’na Baesa, sia mintu’ apa napogau’ sia kalalonganna, tang tisura’moraka lan sura’ ossoranna mintu’ datu Israel?

1 DATU 22:39

Iatu tang dipokadannapa tu mintu’ tuna’na Ahab sia mintu’ tu apa mangka napogau’ sia iatu tongkonan layuk gading tu mangka napabendan sia mintu’ kota mangka nabangun, tang tisura’moraka lan sura’ ossoranna mintu’ datu to Israel?

2 DATU 1:18

Iatu tang dipokadannapa tu mintu’ tuna’na Ahazia, iamotu apa napogau’, tang tisura’moraka lan sura’ ossoranna mintu’ datu to Israel?

2 DATU 10:34

Iatu tang dipokadannapa tu mintu’ tuna’na Yehu sia mintu’ apa napogau’ sia penggauran lalongna, tang tisura’moraka lan sura’ ossoranna mintu’ datu to Israel?

2 DATU 13:12

Iatu tang dipokadannapa tu mintu’ tuna’na Yoas sia mintu’ tu apa napogau’ sia mintu’ penggauran lalongna, tu diona kasirarianna Amazia, datu to Yehuda, tang tisura’moraka lan sura’ ossoranna mintu’ datu to Israel?

2 DATU 13:8

Iatu tang dipokadannapa tu mintu’ tuna’na Yoahas sia mintu’ penggauranna sia mintu’ penggauran lalongna, tang tisura’moraka lan sura’ ossoranna mintu’ datu to Israel?

2 DATU 14:28

Iatu tang dipokadannapa tu mintu’ tuna’na Yerobeam sia mintu’na apa napogau’ sia penggauran lalongna, sia umba nakua parari sia umba nakua umpasulei tu Damsyik sia Hamat, tu dolona napolili’ Yehuda, lako Israel, tang tisura’moraka lan sura’ ossoranna mintu’ datu to Israel?

2 DATU 15:11

Iatu tang dipokadannapa tu mintu’ tuna’na Zakharia, manassa tisura’mo lan sura’ ossoranna mintu’ datu to Israel.

2 DATU 15:15

Iatu tang dipokadannapa tu mintu’ tuna’na Salum sia kasipakulu-kuluan napabu’tu, manassa tisura’mo lan sura’ ossoranna mintu’ datu Israel.

2 DATU 15:21

Iatu tang dipokadannapa tu mintu’ tuna’na Menahem sia mintu’ tu apa napogau’, tang tisura’moraka lan sura’ ossoranna mintu’ datu to Israel?

2 DATU 15:26

Iatu tang dipokadannapa tu mintu’ tuna’na Pekahya, sia mintu’ tu apa napogau’, manassa tisura’mo lan sura’ ossoranna mintu’ datu Israel.

2 DATU 15:31

Iatu tang dipokadannapa tu mintu’ tuna’na Pekah, sia mintu’ tu apa napogau’, manassa tisura’mo lan sura’ ossoranna mintu’ datu to Israel.

1 OSSORANNA DATU 27:24

Naparandukmo Yoab anakna Zeruya, umbilangi, apa tae’ napatarru’i, belanna bannang inde to narampo tu kasengkean lako to Israel. Iamoto iatu bilangan iato tae’ nadipatama sura’ ossoranna datu Daud.

1 OSSORANNA DATU 9:1

Iatu mintu’ to Israel dipatamamo sura’ ossoran tu sanganna; iatu tau iato mai disura’mo lan sura’na mintu’ datu Israel. Iatu to Yehuda dipali’ lako Babel belanna katangmarurusanna.

2 OSSORANNA DATU 20:34

Iatu tang dipokadannapa tu tuna’na Yosafat la dolona la undinna, manassa tisura’mo lan sura’ natonno’ Yehu, anakna Hanani, tu dipatama lan sura’na mintu’ datu Israel.

2 OSSORANNA DATU 25:26

Iatu tang dipokadannapa tu mintu’ tuna’na Amazia, tu dolona sia undinna, manassa inang tisura’mo lan sura’ ossoranna mintu’ datu Yehuda.

2 OSSORANNA DATU 33:18

Iatu tang dipokadannapa tu mintu’ tuna’na Manasye, sia passambayangna lako Kapenombanna sia iatu mintu’ kada napokada to patanda-tandan lako kalena tete dio sanganNa PUANG, Kapenombanna to Israel, manassa iate mintu’na te tisura’mo lan sura’ tuna’na mintu’ datu Israel.

ESTER 6:1

Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.