1 DATU 14:10 - Sura' Madatu

¹⁰ Iamoto manassa la Kuparampoi kamandasan tu bati’na Yerobeam. Sia iatu mai muane, bati’na Yerobeam, la Kumangsanni sola nasang, la to mala’bi’na la to bitti’na dio lu to Israel. Kusapui tu mai bati’na Yerobeam, susito ussapui tai, naurungan tae’mo tinampe len.

1 DATU 14:10 ပူးပေါင်းရင်းမြစ်များ

1 DATU 13:34

Iatu penggauran tontongnato napokasalan bati’na Yerobeam, naurunganni disanggang sia disabu’i dao mai kuli’na padang.

1 DATU 16:11

Iatonna ma’parentamo anna unnisung dao isungan kapayungan, napatei nasangmi tu mintu’ bati’na Baesa, moi misa’ muane tae’ napatuoi, la iatu mai sangdadianna la iatu mai sangmanena.

1 DATU 16:3

iamoto angKu la ummangsanni tu Baesa sola bati’na sia la Kupasusi bati’na Yerobeam, anakna Nebat, tu bati’mu.

1 DATU 21:21

Nakua kadanNa Puang: Manassa la Kuparampoiko kamandasan, sia la Kuputtaiko sia iatu muane, bati’na Ahab la Kumangsanni la to mala’bi’na la to bitti’na dio lu to Israel.

2 DATU 14:26

Belanna natiro PUANG, kumua iatu kamandasanna to Israel mapai’ tongan sia tae’mo la mala’bi’na la to bitti’na sia moi misa’ tae’ tu to patunduanna to Israel.

2 DATU 21:13

Sia la Kupae’te’i ulang pesuka’ tu Yerusalem, susitu mangka Kue’teran Samaria sia batu petimbang, susitu mangka Kue’teran bati’na Ahab, sia la Kupa’dii tu Yerusalem susito umpa’dii kandian; ke mangkami dipa’dii, nabaliangan lenmi tau.

2 DATU 9:37

sia iatu batang rabukna Izebel la susito pangangku’ padang dio pa’lak dio Yizreel, naurungan tang napokada lenmo tau kumua: Iamote tu Izebel!

AYUB 20:7

la pa’de sae lakona susito tainna; minda tu untiroi la ma’kada nakua: Umbamira?

PA’PUDIAN 83:10

Parampoi tu tau iato mai susitu mangka Miparampoan to Midian, sia susitu lako Sisera, sia susi lako Yabin dio randan salu Kison.

YESAYA 14:19

Apa ditibeangko sikambela liang butung to misa’ lolo disayu pallan; nasii’pinniko to mate nakande bassi, tu kabu’ rokko garonggong batu, butung to batang rabuk disisodo-sodoi.

YESAYA 14:23

Sia la Kupopendurukanna kayo sia la Kupopendadi buka sia la Kusarrinni pesarrin kasanggangan, kadanNa PUANGna mintu’ ma’dandan maritik.

YESAYA 5:25

Iamoto anna re’dek tu ara’Na PUANG lako taunNa sia Nae’teran lima tu tau iato mai anNa pata’pai, naurunganni tiseno-seno tu mai buntu, na iatu mai batang rabukna tau iato mai butung rumpang situlambenan lako lalan. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

YEREMIA 32:18

Sia Kamu umpa’pekitanan kamasokanan lako massa’bu-sa’bu tau sia tu umpapakkanni kakadakeanna mintu’ ambe’ rokko rianna mintu’ anakna undinna dio mai tau iato mai, o Kapenomban pasareongan sia matoto’, tu diganti sanganNa: PUANGna mintu’ ma’dandan maritik.

YEREMIA 8:2

Anna tale’i dio patu allo sia bulan sia mintu’ ma’dandan maritik dao langi’, tu nakamali’ sia napengkaolai sia naturu’ sia nadaka’, nanii menomba; mintu’ buku iato tang la dirampun ba’tu dilamun, sangadinna la mempangangku’ dio lu padang.

YEHEZKIEL 26:4

Iatu tau iato mai la ussanggang rinding tembo’na Tirus sia la natuan tu mintu’ menarana; moi iatu batu manissakna la Kusapui duka lan mai sia la Kupadadi misa’ buntu batu karing.

AMOS 3:6

Iake dipannonii tu napiri tanduk lan kota, tae’raka nala tiramban tu pa’tondokan? Ma’dinraka tu kota narampoi kamandasan, ke tae’i na PUANG umpasaei?

ZEFANYA 1:17

Attu iato la Kupapussak tu tolino, naurunganni male butung to buta, belanna kasalammo tu tau iato lako PUANG, sia la tibollo tu rarana susi barra’-barra’ sia iatu tambuk barinni’na la tiampa’ susi tai.

MALEAKHI 2:3

Tonganna, la Kupa’peissanan tu tampak ropu lako bati’mi, sia tai la Kutampolakanni tu lindomi, iamotu tai pa’gaurammi, ondongpi la nariu’ sembangkomi tau inde to lako.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.

1 SAMUEL 25:22

Nasanggangmira Puang Matua tu ualinna Daud sia la Narangngannipa, ke masiangi melambi’ angku patuopi moi misa’ duka muane tu mintu’ muane sia patuoan laki dio kalena.

1 SAMUEL 25:34

Belanna la lelukraka tuoNa PUANG, Kapenombanna to Israel, tu undampana’ umpogau’ kadake lako kalemu, kenna tae’ musae madomi’ umpessitammuina’, manassa masiang tae’pa naberre’ allo moi misa’ duka muane tae’mo torro sola Nabal!