1 DATU 13:9 - Sura' Madatu

⁹ Belanna susimoto dipepasanan lako kaleku tete dio kadanNa PUANG, nakua: Tae’ muma’din kumande ba’tu mangiru’ dio, sia da musule umpolalanni tu lalan pura muolai.

1 DATU 13:9 ပူးပေါင်းရင်းမြစ်များ

1 DATU 13:1

Pakalan saemi misa’ taunNa Puang Matua tete dio kadanNa PUANG dio mai Yehuda lako Betel, tonna marassan bendan tu Yerobeam dio olo inan pemalaran la untunu pemala’.

1 DATU 13:10

Malemi umpolalan lalan senga’, tae’ nasule unnola lalan mangka naola tonna sae lako Betel.

1 DATU 13:16

Apa nakua: Tae’ kuma’din sule mati’ ussisolangkomi sia tae’ kula lendu’ dio banuammi, sia tae’ duka anta la kumande sola sia mangiru’ lan inan iate.

1 DATU 13:19

Sulemi sola, nakumande sia mangiru’ lan banuanna.

1 DATU 13:8

Apa nakua te taunNa Puang Matua lako datu: Moi ammi benna’ sangsese tu tongkonan layukmi, tae’ duka tala tama sola, sia tae’ angku la kumande sia mangiru’ lan inan iate.

AYUB 23:12

Iatu pepasan sun dipudukNa tae’ kupatoyangi, lan ba’tengku kuanna tu kada Nasa’bu’.

PA’PUDIAN 141:4

Da Mieloranni tu penaangku malang lako kakadakean, kupourunganni umpogau’ katangmekaalukan, sola tu mai to bulituk, sia da angku kandei tu mai kande mammi’na.

KADIBILANGAN 16:26

Ma’kadami lako kasirampunan nakua: Soro’komi dio mai tendana te muane tang mekaaluk sia da len ammi kaka’i tu mintu’ apanna, kumua da midipisanni sola, natumang mintu’ kasalanna.

YOHANES 13:17

Iake mitandai tu mintu’nate, maupa’komi, ke mipogau’i.

YOHANES 15:14

Kamumo te tu sangmaneKu, ke mipogau’i tu apa Kupa’peannan lako kalemi.

ROMA 16:17

Kupakilalakomi, e mintu’ siulu’ku, la mikanandai tu mintu’ to umpabu’tu kasisakkan sia patumang tu sisalanna pangadaran mipelada’i. Toyangangkomi kalemi dio mai tau iato.

1 KORINTUS 5:11

Apa totemo kupalanangkomi sura’ kumua da misirau-rau tau, moi to disanga siulu’, ke to ma’gau’ sala ba’tu to maduang lako ianan, ba’tu to umpenombai deata, ba’tu to manura’, ba’tu to pa’malangoan ba’tu to pakira-kira: da’ mikumande sola tu to susito.

EFESUS 5:11

Sia da mitamai tu mai gau’ kamalillinan, tu tang umpabu’tu melo, sangadinna sipatu la mipasala,

KADA OMBO’ LAKO RASULU’ YOHANES 18:4

Kurangi polemi misa’ gamara senga’ dao mai langi’ nakua: Mallaikomi dio mai kalena, e taungKu, da ammi perapii tu mintu’ kasalanna, sia da anna pada urruakomi kamaparrisanna;

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.