1 DATU 13:6 - Sura' Madatu

⁶ Mebalimi tu datu lako taunNa Puang Matua, nakua: Pengkamoyanna’ pa’kamaseanNa PUANG, Kapenombammi, sia passambayanganna’, anna tibokkok sule tu limangku. Napengkamoyammi taunNa Puang Matua pa’kamaseanNa PUANG tu datu anna tibokkok sule tu limanna datu susito dolona.

1 DATU 13:6 ပူးပေါင်းရင်းမြစ်များ

1 DATU 13:5

Tessemi tu inan pemalaran, anna tisambo’ tu au dao mai, iamotu tanda mangnga napa’peissanan taunNa Puang Matua tete dio kadanNa PUANG.

PA’PUDIAN 119:58

Lantuk penaangku umpalaku pa’kamaseamMi, katuru-turuina’ susitu pangallu’Mi.

KATASSURAN 10:17

Totemo te pagarri’pi tu kasalangku, ammi mengkamoya langngan PUANG, Kapenombammi, anNa pasoro’i dio mai kaleku te kamandasan mepatei.

KATASSURAN 12:32

Sia mintu’ dombami sia bembe’mi sia sapimmi la mibaa duka, susitu mipokada. Malemokomi ammi palakuan dukana’ kasalamaran.

KATASSURAN 8:28

Ma’kadami Firaun, nakua: La kuelorangkomi male ammi memala’ lako PUANG, Kapenombammi, lan padang pangallaran, podo da mimale mambela bang. La mipassambayangan tongan-tonganna’.

KATASSURAN 8:4

Sia la nakendekkiko tu tokko’ iato sia mintu’ taummu sia mintu’ to mase’ponmu.

KATASSURAN 8:8

Natambaimi Firaun tu Musa sola Harun nama’kada nakua: Palaku tongan-tonganni lako PUANG, anna pasoro’i te mintu’ tokko’ dio mai kaleku sia dio mai mintu’ taungku, angku eloranni tu bangsa iato male la memala’ lako PUANG.

KATASSURAN 9:28

Mengkamoya tonganmokomi lako PUANG, belanna iatu guntu’ Napasae Puang Matua sia uran batu metakuran tongan. Ianna dadi la kuelorangkomi male, tae’mo ammi la torro.

YEREMIA 37:3

Attu iato nasua datu Zedekia, tu Yukhal anakna Selemya, sia to minaa Zefanya, anakna Maaseya, lako nabi Yeremia, nakua: Passambayangkan lako PUANG, Kapenombanta.

ZAKHARIA 7:2

Iatu to Betel ussuamo Sarezer sia Regem-Melekh sola tu mai taunna la undaka’ pa’kamaseanNa PUANG,

KADIBILANGAN 12:13

Metambami tu Musa lako PUANG nakua: O Puang Matua, pamondoi tu golenna.

KADIBILANGAN 21:7

Saemi tu bangsa iato lako Musa anna ma’kada nakua: Kasalammokanni, belanna ma’kadamokan umbali PUANG sia umbalikomi; passambayangangkan lako PUANG, anNa patoyangi te mai ula’ dio mai kaleki. Napassambayangammi Musa tu tau iato.

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

LUKAS 23:34

Massambayangmi Yesu, Nakua: O Ambe’, pagarri’i te mai tau, belanna tae’ naissanni tu apa napogau’. Nasire’tekkimi tu pakeanNa kumua ba’tu umbannai umpotaai.

PENGGAURANNA RASULU’ 7:60

Malinguntu’mi nametamba umpemandui gamaranna nakua: O Puang, da Mipopa’indo’i te kasalan iate lako te mai tau! Tonna mangka ma’kada susito, manglessurammi.

PENGGAURANNA RASULU’ 8:24

Mebalimi Simon nakua: Passambayanganna’ lako Puang, da naden misa’ urrampoina’ tu apa mipokada.

ROMA 12:14

Palakuanni kamauparan tu to umpakario-riokomi; palakuanni kamauparan sia da mitampakki ropu tau.

ROMA 12:21

Da anna taloiko kakadakean, sangadinna taloi tu kakadakean diona kameloan.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

1 SAMUEL 12:19

Ma’kadami tu mintu’ tau lako Samuel, nakua: Pengkamoyammi te mintu’ taummi lako PUANG, Kapenombammi, kumua da angki mate. Belanna senga’mi tu kasalangki, kirangnganni pole’omi kakadakean, iamotu umpalaku misa’ datu.

1 SAMUEL 12:23

Na iatu aku kurannuan tongan la dipamambela dio mai kaleku umpogau’i te kasalan iate lako PUANG, iamotu la tadang umpengkamoyangkomi; sangadinna la kuada’ikomi tu lalan melo sia tongan.