1 DATU 13:32 - Sura' Madatu

³² Belanna tae’ nasalai tang la dadi tu apa mangka napetamban tete dio kadanNa PUANG diona tu inan pemalaran dio Betel sia diona mintu’ banua pemalaran dao lu inan madao lan lu tondok Samaria.

1 DATU 13:32 ပူးပေါင်းရင်းမြစ်များ

1 DATU 12:29

Misa’ napabendan dio Betel na iatu misa’ napadio Dan.

1 DATU 12:31

Sia nagaragapa tu banua pemalaran dao lu inan madao, anna angka’i dadi to minaa ba’tu pira-pirai tu tau iato mai tu tangia suku to Lewi.

1 DATU 13:2

Ma’kadami tete dio kadanNa PUANG lako inan pemalaran, nakua: E, inan pemalaran, e inan pemalaran, nakua kadanNa PUANG: Lan tongkonan layukna Daud la dipadadian misa’ pia muane, disanga Yosia, iamo la urrere’i dao kalemu tu mintu’ to minaa biasa memala’ dao inan madao, tu untunu pemala’ dao kalemu, sia dao kalemu to, la nanii tau untunu buku tolino.

1 DATU 16:24

Naallimi tu tanete Samaria da’dua talenta salaka dio mai Semer, nabangunni tu kota dao tanete iato, nasangai Samaria, napasikona sanganna Semer, puangna tanete iato.

2 DATU 17:29

Apa pantan nagaragai duka, ke sisangbangsaoi tu rapang-rapang dipodeatanna, napadioi banua dinii memala’ dao inan madao, tu napabendan to Samaria, ke sisangbangsaoi lan tu kota nanii ma’tondok.

2 OSSORANNA DATU 25:13

Apa iatu mintu’ surodadu, tu nasua Amazia sule, naurunganni tae’ namale sola parari, ke’de’ dio mai Samaria ullaoi ba’tu pira-pira kota Yehuda sae lako Bet-Horon, anna patei tu tau tallungsa’bu sia unnala pangrampa buda.

EZRA 4:10

sia mintu’ bangsa senga’ tu napalele Asnapar, to tarompo’ sia kabarre-alloan, tu napatorro lan kota Samaria sia lan lu lili’ senga’ sambalinna lu Salu, –

SURA’ KATOMINAAN 26:30

Sia la Kusanggang tu inan madao sia la Kusabu’i tu inan pemalaran pantunuan dupammi sia la Kupembuangan tu batang rabukmi dao batang rabukna deatammi sia la Kukalilukomi.

PENGGAURANNA RASULU’ 8:14

Iatonna rangimi tu mai rasulu’ dio Yerusalem tu diona to Samaria unturu’mo kadanNa Puang Matua, nasuami tu Petrus na Yohanes lako tau iato mai.