1 DATU 13:26 - Sura' Madatu

²⁶ Iatonna rangimi tinde nabi ussolanni sule, nakuami: Iamotu tu taunNa Puang Matua, tu mangka ullendai parentaNa PUANG; iamoto Naeloranni PUANG nadammak singa anna patei, susi tu kadanNa PUANG tu mangka Napokadanni.

1 DATU 13:26 ပူးပေါင်းရင်းမြစ်များ

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 12:14

Apa belanna kamu napobannang tu mintu’ ualinNa PUANG ma’kada solang iatu pia muane tu dipadadiangkomi, manassa la mate.

1 DATU 13:25

Denmi tau lendu’ dio, anna tiroi tu batang rabuk sumpandan dio lalan, na iatu singa bendan bang dio la’pek batang rabuk. Saemi napokada tau iato tama kota tu nanii nabi matua torro.

1 DATU 13:27

Nakuami lako anakna: Lapikanna’ keledai. Nalapikammi.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

SARAMBU PEADA’ 11:31

Tonganna, iatu to malambu’ la dipakkan dao kuli’na padang, ondong pole tu to tang mekaaluk sia to kadake gau’na.

YEHEZKIEL 9:6

Iatu mai to matua, pia muane, anak dara, pia’-pia’ sia baine manassa la mipatei sia misanggang; apa moi misa’ tu tau den tandana da mirumbui: manassa la miparanduk dio to’ inan maindanKu. Naparandukmi tau iato mai dio lu muane, iamotu mai pekaamberan, tu dio tingayo Banua Kabusungan.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

1 KORINTUS 11:30

Iamo bannangnato ammi buda tu langga’ sia masaki, sia tae’ nainang sidi’ tu matena.

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?