1 DATU 13:21 - Sura' Madatu

²¹ Metambami lako taunNa Puang Matua, tu lu dio mai Yehuda, nakua: Inde sia tu kadanNa PUANG: Belanna ullendaiko parentaNa PUANG sia tae’ muturu’i tu apa Napepasanan PUANG, Kapenombammu, lako kalemu,

1 DATU 13:21 ပူးပေါင်းရင်းမြစ်များ

KADADIAN 3:7

Tibungka’mi tu matanna sola duai, naissanmo kumua ma’kale-kale, nalelen-lelenmi tu daun kayu ara, nagaraga dodo.

2 SAMUEL 24:13

Saemi Gad lako Daud umpokadanni tu kada iato, nakua: Umbannara miporai: ra’pak padangraka pitungtaun lan tondokmi, iaraka tu la mallaikomi naula’ ualimmi lan tallungbulan, ba’tu iaraka tu ropu tallungallo lan tondokmi? Totemo la mitangnga’ sia mitimbang melo, umbara tu pebali la kuparampoanni sule tu To ussuana’.

2 SAMUEL 6:7

Re’dekmi tu ara’Na PUANG lako Uza, anNa pongkoi Puang Matua inde to, belanna katangmengkilalanna; matemi inde to dio sikandappi’ pattinNa Puang Matua.

1 DATU 13:17

Belanna mangka dipepasanan lako kaleku tete dio kadanNa PUANG, Nakua: Tae’ muma’din kumande sia mangiru’ dio; sia da musule umpolalanni tu lalan mangka muolai.

1 DATU 13:20

Iatonna marassan unno’ko’ sola duai dio to’ meda, saemi tu kadanNa PUANG lako nabi ussolanni sule.

1 DATU 13:22

sangadinna suleko, ammu kumande sia mangiru’ indete inan tu Nakuangko Puang: tae’ muma’din kumande sia mangiru’ dio – iamoto iatu batang rabukmu tae’mo nala ullambi’ lamunanna nene’ to dolomu.

1 DATU 20:36

Ma’kadami lako nakua: Belanna nokako unturu’ kadanNa PUANG, manassa, iake mutampemo’, la den misa’ singa umpateiko. Iatonna tampemi naapparanmi misa’ singa anna patei.

ESTER 6:13

Nauleleanmi Haman lako Zeresh, bainena sia lako mintu’ sangmanena tu mintu’ apa dadi lako kalena. Ma’kadami tu mintu’ to paissan-issanna sia Zeresh, bainena, lako nakua: Iake bati’ to Yahudi tu Mordekhai, tu dio tingayona minii randuk talo, manassa tae’mo mibelai la unneai, sangadinna inang la talo tarru’mokomi dio tingayona.

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

KADIBILANGAN 20:12

Ma’kadami tu PUANG lako Musa sola Harun, Nakua: Belanna tae’ mipatonganNa’ sia tae’ mipamaindanNa’ dio pentirona to Israel, iamoto tae’ mila ussolanni te kombongan iate tama tondok, tu Kukamaseanni.

KADIBILANGAN 20:24

Iatu Harun la sisarak angin dipudukna sule lako nene’ to dolona, belanna tae’ na la tama tondok, tu Kukamasean to Israel, belanna mibali sola duakomi tu parentaKu dio to’ uainna Meriba.

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

1 SAMUEL 15:19

Ma’apai natae’ miperangii tu kadanNa PUANG sangadinna mibarakki tu pangrampa sia umpogau’komi apa kadake dio pentiroNa PUANG?

1 SAMUEL 4:18

Iatonna uleleanmi tu diona pattinNa Puang Matua, songkami tu Eli dao mai kaderana tungara dio sa’de babangan tondok, nalesok pasallona, anna mate, belanna matuamo, sia to malompo; patangpulo taunna urrengnge’ to Israel.