1 DATU 13:18 - Sura' Madatu

¹⁸ Nakuami te tau lako: Misa’ dukana’ nabi, susi kamu, sia nakuamo malaeka’ lako kaleku tete dio kadanNa PUANG: Solanni sule tama banuammu anna kumande sia mangiru’. Apa iatu iannato napakena.

1 DATU 13:18 ပူးပေါင်းရင်းမြစ်များ

KADADIAN 27:24

Nakuami Ishak: Tongannaraka iko siamo anakku Esau te? Nakuami: Tonganna.

KADADIAN 3:13

Ma’kadami PUANG Kapenomban lako tu baine: Apara te mangka mupogau’? Mebali tu baine: Napakenana’ ula’ angku kandei.

1 DATU 13:19

Sulemi sola, nakumande sia mangiru’ lan banuanna.

1 DATU 20:35

Attu iato ma’kadami tu misa’ passikola nabi lako solana tete dio kadanNa PUANG, nakua: Bambana’! Apa noka tu tau iato umbambai.

1 DATU 22:22

Mebalimi nakua: La malena’, angku mempenaa bulituk lan pudukna mintu’ nabinna. Ma’kadami tu Puang Nakua: Manassa la munaran sia mubela umpogau’i to; malemoko, mupogau’i.

SARAMBU PEADA’ 12:19

Iatu puduk ma’kada tongan la tontong sae lakona, apa iatu lila pa’pakena melo sakkattu’ bangri.

SARAMBU PEADA’ 12:22

Iatu puduk umpokada bang mo’rang Nakagalli PUANG, apa iatu to umpogau’ bang kamarurusan iamo Napopaiman.

SARAMBU PEADA’ 19:5

Misa’ sa’bi tang tongan tae’ nala tang diukung, sia minda-minda umpenaan buttok tae’ nala tilendok len.

YESAYA 36:10

Iamoto tang pangelorannaraka PUANG angku sae ullaoi te tondok sia ussanggangi? PUANGmo tu mangka ma’kada lako kaleku Nakua: Malemoko ullaoi tu tondok iato sia ussanggangi.

YESAYA 9:15

Iatu mai panglalanna bangsa iate iamo panglalan sala, sia napapusa nasang tu tau nalalanan.

YEREMIA 23:14

Apa dio lu mintu’ nabi Yerusalem Kutiro tu apa megi’giran, iamotu pasandak salu lako rampanan kapa’ sia ma’kada tang tongan; sia napamatoto’ limanna tu mintu’ to umpogau’ kadake naurungan moi misa’ tae’ namengkatoba’ dio mai kakadakeanna. Mintu’ tau iato mai susi Sodom lako Kaleku sia mintu’ pa’tondokanna sangtinti Gomora.

YEREMIA 23:17

Tontong bang tu tau iato mai ma’kada lako to untattaNa’ nakua: Iatu PUANG mangkamo ma’kada Nakua: La marampa’komi, sia ma’kada lako mintu’ to lolang unturu’ kamakarrasanna penaanna, nakua: Moi misa’ tae’ tu kadake la urrampoikomi.

YEREMIA 23:32

Manassa Aku la ullaoi tu mai pa’nubua’ tu umpokada pangimpi tang tongan, kadanNa PUANG, tu naulelean tau iato mai la umpapusa taungKu tete dio kada tang tonganna sia passedena; tae’ra Kusuai sia tae’ Kupasanni tu tau iato mai; iatu tau iato mai moi misa’ tae’ gai’na lako bangsa iate, kadanNa PUANG.

YEREMIA 29:31

Pa’peai te kareba iate lako mintu’ to dipali’, kumua: Inde sia tu kadanNa PUANG tu diona Semaya, to Nehelam: Belanna napa’nubuarangkomi Semaya, anna tae’ Kusuai, sia ia mipobannang urrannuan apa tang tongan,

YEREMIA 29:32

iamoto nakua kadanNa PUANG: Tonganna la Kuukung tu Semaya to Nehelam sia mintu’ bati’na; dio mai mintu’ bati’na moi misa’ tau tae’ la torro dio lu bangsa iate sia ia kalena tae’ nala untiroi tu kameloan, tu Kuparampo lako taungKu, kadanNa PUANG, belanna naada’i tu tau pabali-bali lako PUANG.

YEREMIA 5:12

Iatu tau iato mai umpeonganni PUANG sia ma’kada nakua: Tangia Ia pekapuangangki! sia: Tang narampoimoki’ kamandasan, sia tang la untiromoki’ kandean pa’dang sia karorian.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

YEHEZKIEL 13:22

Belanna miparossomo tu penaanna to malambu’ tete dio kamo’rangan, moi natae’ Kupamasussai, sia mipamatoto’ tu limanna to tang mekaaluk, kumua da natibalik dio mai lalan kadakena, anna tuo.

YEHEZKIEL 13:8

Iamoto, inde sia tu kadanNa Puangta PUANG, belanna umpokadakomi pa’pakena sia tang tongan, iamoto manassa la Kuukungkomi, kadanNa Puangta PUANG.

KADIBILANGAN 22:35

Apa ma’kada tu Malaeka’Na PUANG lako Bileam, Nakua: Maleko sola te muane iate, apa ia manna tu kada, la Kupokadangko, la mupokada. Malemi tu Bileam sola tu mai arungna Balak.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

MATIUS 7:15

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

2 KORINTUS 11:3

Apa mataku’na’ susi manii ula’ umpakena Hawa napalaoi tangnga’na, susi duka manii to dipatangma’rundunan penaammi sia dipasepang dio mai kamalamburan sia kamaseroan ma’palulako Kristus.

GALATIA 1:8

Apa iake kami te ba’tu moi misa’ malaeka’ dao mai suruga la umpa’peissananni lako kalemi tu Kareba-kaparannuan sisengaran tu mangkanna kipa’peissanan lako kalemi, nake naruai tampak ropu.

1 TIMOTIUS 4:1

Apa maleso tongan tu kadanNa Penaa, kumua undinna, la sorong boko’ tu tau pira dio mai kapatonganan, belanna menturu’ lako penaa ma’papusa sia lako ba’tu pira-pira pangadaranna deata masussuk,

1 TIMOTIUS 4:2

tu belanna kabelo-pudukanna mintu’ to mo’rang, tu butung to disarrang bassi sukaran inaanna.

2 PETRUS 2:1

Apa den dukamo dolona ba’tu pira nabi mo’rang dio lu to Israel, susi duka tu kamunna la bu’tu ba’tu pira guru ma’papusa, la umbaa buni pangadaran sala, tu untumang tau, sia napeonganni tu Puang mangka ulla’bakki’, sia umpasae kasanggangan madoi’ lako kalena.

1 YOHANES 4:1

E mintu’ pa’kaboro’ku, da mipatongan bangi tu anggenna penaa, sangadinna sudi dolo tu mintu’na penaa iato, ba’tu la lu dio siai mai Puang Matua; belanna budamo nabi tang tongan bu’tu lan lili’na lino.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

TO PARENGNGE’ 13:3

Ombo’mi tu Malaeka’Na PUANG lako baine iato anna ma’kada lako, nakua: Manassa tamanangko sia tae’ mukianak, apa la ma’tambukko, ammu dadian misa’ pia muane.