1 DATU 13:1 - Sura' Madatu

¹ Pakalan saemi misa’ taunNa Puang Matua tete dio kadanNa PUANG dio mai Yehuda lako Betel, tonna marassan bendan tu Yerobeam dio olo inan pemalaran la untunu pemala’.

1 DATU 13:1 ပူးပေါင်းရင်းမြစ်များ

1 DATU 12:22

Apa rampo tu kadanNa Puang Matua lako Semaya, taunNa Puang Matua, nakua:

1 DATU 13:26

Iatonna rangimi tinde nabi ussolanni sule, nakuami: Iamotu tu taunNa Puang Matua, tu mangka ullendai parentaNa PUANG; iamoto Naeloranni PUANG nadammak singa anna patei, susi tu kadanNa PUANG tu mangka Napokadanni.

1 DATU 13:32

Belanna tae’ nasalai tang la dadi tu apa mangka napetamban tete dio kadanNa PUANG diona tu inan pemalaran dio Betel sia diona mintu’ banua pemalaran dao lu inan madao lan lu tondok Samaria.

1 DATU 13:5

Tessemi tu inan pemalaran, anna tisambo’ tu au dao mai, iamotu tanda mangnga napa’peissanan taunNa Puang Matua tete dio kadanNa PUANG.

1 DATU 13:9

Belanna susimoto dipepasanan lako kaleku tete dio kadanNa PUANG, nakua: Tae’ muma’din kumande ba’tu mangiru’ dio, sia da musule umpolalanni tu lalan pura muolai.

1 DATU 20:35

Attu iato ma’kadami tu misa’ passikola nabi lako solana tete dio kadanNa PUANG, nakua: Bambana’! Apa noka tu tau iato umbambai.

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

2 DATU 23:17

Ma’kadami tu datu nakua: Batu lamunan apara te kutiro? Mebalimi tu pa’tondokan lako datu nakua: Iamoto tu lamunanna taunNa Puang Matua, tu sae dio mai Yehuda sia umpa’peissananni te apa urrampoi tu inan pemalaran dio Betel, tu mipogau’.

2 OSSORANNA DATU 26:16

Apa iatonna makuasamo matampomi tu datu, naurunganni ma’gau’ kadake tongan sia tae’mo namaruru’ lako PUANG, Kapenombanna, iamotu tama banua kabusunganNa PUANG la untunu dupa dao inan pemalaran pantunuan dupa.

2 OSSORANNA DATU 26:18

Natingoimi tu datu Uzia sia ma’kada lako nakua: E Uzia, tang sipatukomi la untunuan dupa PUANG, sangadinna to minaapi, bati’na Harun, tu mangka dipamasero la untunu dupa. Tassu’komi lan mai inan maindan, belanna tang maruru’komi sia iatu apa iato tae’ mipomala’bi’i dio oloNa PUANG Kapenomban.

2 OSSORANNA DATU 9:29

Iatu tang dipokadannapa tu mintu’ tuna’na Salomo, la dolona la undinna, tang tisura’raka lan sura’ tuna’ tu nakarang nabi Natan, sia lan pa’nubua’na Ahia, to Silo, sia lan sura’ patiro mendeatanna Yedo, to patanda-tandan, diona Yerobeam, anakna Nebat?

YEREMIA 11:12

Da’ito nameongli’ tu mintu’ kota Yehuda sia mintu’ to lan Yerusalem lako deata, tu nanii umpennoloan pemala’ ditunu; apa tae naia la urrampananni tu tau iato mai, ke narampoimi kasanggangan.

YEREMIA 25:3

Randuk tonna ma’pessangpulo tallunna ma’parenta tu Yosia, anakna Amon, datu Yehuda, sae lako allo iate, denmo duangpulo ntallu taunna, narampoimo’ tu kadanNa PUANG sia kupokadammokomi ke makale’ sia ke karoen, apa tae’ duka miperangii.

YEREMIA 32:29

Iatu mintu’ to Kasdim, tu urrarii te kota iate la male tama anna padukkui api sia naballa sola tu mai banua, tu dao bubunganna nanii tau iato mai untunu pemala’ lako Baal sia umpemalaran pemala’ pantedok lako Kapenomban senga’, tu napobannang tau iato mai umpa’dikki penaangKu.

AMOS 7:13

Apa dio Betel da’mo muma’nubua’, belanna iate inan iate inan maindanna kadatuan sia inan kemenombanna tondok.

AMOS 7:16

Iamoto, perangii tu kadanNa PUANG. Ma’kadako mukua: Da muma’nubua’ diona ukungan diparampo lako Israel sia da mupalolong kada diona ukunganna bati’na Ishak.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

KADIBILANGAN 16:40

la dadi misa’ tanda pengkilalan lako to Israel, kumua da namengkareke’ lako Puang tu to tang sipatu, tu tang sangbilangan bati’na Harun, la untunu dupa dio oloNa PUANG, sia da naruai kasanggangan susi Korah sia to massituru’ nasisolan, susitu Napokada PUANG lako Eleazar tu nalopian Musa.

1 TESALONIKA 4:15

Apa inde sia kipokadangkomi situru’ kadanNa Puang, kumua iate kitanna tuonapa, tu torropa sae lako kasaeanNa Puang, tae’ tala undoloi tu to sisarak angin dipudukna.

KADA OMBO’ LAKO RASULU’ YOHANES 8:3

Saemi misa’ malaeka’ senga’ nabendan dio sa’de inan pemalaran, untoe puaro bulaan, dibenmi buda kemenian lako, kumua napennoloanni sola pangandona mintu’ to masallo’ dao inan pemalaran bulaan dio olo isungan kapayungan iato.

1 SAMUEL 2:27

Saemi misa’ taunNa Puang Matua lako Eli anna ma’kada, nakua: Susite tu kadanNa PUANG: Tae’raka nalako to lan banuanna ambe’mu Kunii umpaombo’ Kaleku, tonna diopa lu Mesir tu tau iato mai mengkanorong lako Firaun?

1 SAMUEL 9:6

Mebalimi nakua: Lan kota iate den misa’ taunNa Puang Matua, iamo misa’ to mala’bi’; manassa dadi tongan tu mintu’ napokadanna. Melo ke laoki’ lako, den sia manii upa’ napokadangki’ tu diona apa tatungkanan.