1 DATU 12:27 - Sura' Madatu

²⁷ Iake la malei te to buda langngan Yerusalem umpemalaran pemala’ lan banuanNa PUANG, manassa iatu penaanna malangmo sule lako puangna, iamotu Rehabeam, datu Yehuda, anna pateina’ tau iato mai, nasule lako Rehabeam, datu Yehuda.

1 DATU 12:27 ပူးပေါင်းရင်းမြစ်များ

KADADIAN 26:7

Nakutanaimi pa’tondokan tu diona bainena, namebali nakua: Siulu’ku, belanna mataku’ umpokadai kumua bainena, nakua: Napateina’ manii pa’tondokan diona Ribka, belanna melo pantarisanna.

1 DATU 11:32

Apa iatu misa’ suku la dio kalena, belanna Daud, taungKu, sia Yerusalem, iamotu kota tu mangka Kupilei langsa’ dio mai mintu’ suku to Israel.

1 DATU 12:26

Natangnga’mi Yerobeam lan penaanna: Umbai anna sule te kadatuan lako bati’na Daud.

1 DATU 8:44

Iake sunni tu taumMi la sirari ualinna lako lalan Mipapatuanni sia massambayang lako PUANG mentingo lako kota iate, tu mangka Mipilei langsa’, sia lako banua iate, tu mangka kubangunan sangamMi,

PA’PUDIAN 120:1

Nanian Hamaa’lot. Meongli’na’ langngan PUANG tongku lan kamaparrisan, natanannimo’ talinga.

SARAMBU PEADA’ 29:25

Kamatakuran lako tau, iamo untananan poya kaleta, apa minda-minda tu umposande’ PUANG, mentilindung dio inan marampa’.

PA’TOLE 12:11

manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

PA’TOLE 12:14

Sangadinna dio lu inan tu Napileimo PUANG lan lili’na sala umbanna misa’ sukummu, inde to la munii umpennoloanni tu pemala’ ditunu pu’pu’mu, sia la munii umpogau’i tu mintu’ apa kupepasanan lako kalemu.

PA’TOLE 16:2

Attu iato la mureresan PUANG, Kapenombammu, tu mai dombamu sia bembe’mu sia sapimmu la dipopa’pasa dio inan tu la Natonno’ PUANG la Napannii sanganNa dio.

PA’TOLE 16:6

Apa iatu inan la Napilei PUANG, Kapenombammu, la Napannii sanganNa dio, munii la urrere’ Pa’pasa, ke makaroenni, ke lambunni allo, susitu attu katassurammu lan mai Mesir.