1 DATU 12:21 - Sura' Madatu

²¹ Iatonna rampomo tu Rehabeam lako Yerusalem, naarakmi tu mintu’ bati’na Yehuda sia suku Benyamin, den saratu’ karuapulona sa’bu to mangura tu manakka parari, la urrarii to Israel, kumua anna pasulei tu kadatuan lako Rehabeam, anakna Salomo.

1 DATU 12:21 ပူးပေါင်းရင်းမြစ်များ

1 DATU 11:32

Apa iatu misa’ suku la dio kalena, belanna Daud, taungKu, sia Yerusalem, iamotu kota tu mangka Kupilei langsa’ dio mai mintu’ suku to Israel.

1 DATU 14:30

Tontong bang tu kasirarianna Rehabeam na Yerobeam.

1 OSSORANNA DATU 21:5

Iatu budanna mintu’ tau diia’ napennoloan Yoab lako Daud; iatu mintu’ to Israel, tu muane untakin pa’dang den sangsa’bu saratu’ sa’bunna; na iatu budanna to Yehuda, tu muane untakin pa’dang den a’pa’ratu’ pitungpulo sa’bunna.

2 OSSORANNA DATU 14:11

Meongli’mi tu Asa lako PUANG, Kapenombanna, nakua: O PUANG, tae’ tu misa’ tau saliananna Kamu la untundui to langga’ unnea to matoto’. Tunduikanni, o PUANG, Kapenombangki, belanna sande’kan lako Kalemi sia tete dio sangamMi angki ke’de’ unneai te to pada budanna to. O PUANG, Kamumo tu Kapenombangki, ke ma’dinni da naden misa’ ma’rupa tau ungkullei unneaKomi.

2 OSSORANNA DATU 14:8

Iatu Asa unnampui surodadu talluratu’ sa’bunna muane dio mai Yehuda, tu ma’balulang kapua sia ma’doke, sia duaratu’ ngkarua pulona sa’bu muane dio mai Benyamin, tu ma’balulang bitti’ sia ma’pana. Mintu’nate to lalong nasang.