1 DATU 12:20 - Sura' Madatu

²⁰ Iatonna pekarebami mintu’ to Israel, kumua sulemo tu Yerobeam, mesuami tu tau untambai tama kombonganna, anna tokkoi dadi datunna mintu’ to Israel. Moi misa’ tae’ unturu’ bati’na Daud, sangadinna suku Yehuda manna.

1 DATU 12:20 ပူးပေါင်းရင်းမြစ်များ

2 SAMUEL 20:2

Memboko’mi tu mintu’ to Israel dio mai Daud, anna unturu’ Seba, anakna Bikri, apa iatu mintu’ to Yehuda torro maruru’ unturu’ datunna randuk dio mai Yordan sae lako Yerusalem.

1 DATU 11:13

Tae’ angKu la unnalai nasangi tu kadatuan iato, sangadinna sangsuku la Kuben anakmu muane, belanna taungKu Daud sia belanna Yerusalem, tu mangka Kupilei langsa’.

1 DATU 11:26

Iatu Yerobeam, anakna Nebat, misa’ to Efraim dio mai Zereda, anakna misa’ baine balu, disanga Zerua, taunna Salomo, umbali tu datu.

1 DATU 11:32

Apa iatu misa’ suku la dio kalena, belanna Daud, taungKu, sia Yerusalem, iamotu kota tu mangka Kupilei langsa’ dio mai mintu’ suku to Israel.

1 DATU 11:35

Apa la Kualai lan mai limanna anakna tu kadatuan, angKu benko tu sangpulo suku.

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

1 DATU 11:37

La Kuangka’ko ammu parentai tu mintu’ angge naporainna penaammu sia la undatuiko to Israel.

1 DATU 12:17

Apa iatu mintu’ to Israel tu torro lan mintu’ kota Yehuda, Rehabeam duka tu napodatu.

2 DATU 17:21

Iatonna sarakkimi Puang tu to Israel dio mai bati’na Daud sia iatonna angka’mi tau iato mai tu Yerobeam, anakna Nebat, dadi datu, napatoyangmi Yerobeam tu to Israel dio mai oloNa PUANG sia nasua tu tau iato mai umpogau’ kasalan kapua.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

1 SAMUEL 10:24

Ma’kadami tu Samuel lako mintu’ tau, nakua: Mitiromoraka tu to Natonno’ PUANG, belanna moi misa’ tau tae’ padanna lan te mintu’ tau. Unnarrak-arrakmi tu mintu’ tau, nakua: La maupa’ tu datu!