1 DATU 11:7 - Sura' Madatu

⁷ Iatonna attu iato napabendanammo Salomo misa’ inan madao tu Kamos, apa megallianna to Moab, dao buntu rampe matallona Yerusalem sia iatu Molokh, apa megallianna to Amon.

1 DATU 11:7 ပူးပေါင်းရင်းမြစ်များ

KADADIAN 33:2

Napadoloi tu baine kaunanna da’dua sola anakna sia iatu Lea sola anakna napaundi-undi sidi’ na iatu Rahel sola Yusuf napaundi’-undi’na.

2 SAMUEL 15:30

Kendekmi tu Daud unnola mennaa’na buntu Saitun tumangi’ lolanan, sia mellullung sia lumingka tang ma’lapik lentek; sia mintu’ tu tau nasolan mellullung sia tuka’ situang tangi’na.

1 DATU 11:5

Susimoto tu Salomo umpenombai Astoret, deatanna baine to Sidon sia Milkom, apa megallianna to Amon.

1 DATU 11:6

Sia napogau’ Salomo tu apa kadake dio pentiroNa PUANG sia tae’mo nalantuk penaanna umpengkaolai PUANG, susi Daud, ambe’na.

1 DATU 11:8

Susi dukato napogauranni tu mintu’ baine senga’na, tu mantunu dupa sia memala’ lako deatanna.

1 DATU 15:12

Naula’i lan mai tondok tu mai to ma’gau’ sala dio to’ dipa’deatainna sia napembuangan tu mintu’ rapang-rapang dipodeata nagaragai nene’ to dolona.

2 DATU 23:10

Sia naruttakki tu Tofet diong lombok Ben-Hinom, kumua anna moi misa’ tau tae’mo api napamaindananni tu anakna muane ba’tu anakna baine la napemalaran lako Molokh.

2 OSSORANNA DATU 21:11

Sia nagaragai duka tu inan madao dao buntu Yehuda naada’i tu pa’tondokan Yerusalem lan la umpenombai deata sia napapusa tu to Yehuda.

PA’PUDIAN 78:58

Tau iato mai umpare’dek ara’Na Puang diona kamenombanna dao lu inan madao, sia umpabu’tu pangimburuanNa diona mintu’ rapang-rapangna napodeata.

YESAYA 44:19

Moi misa’i tu tau iato tae’ umpalan penaai sia tae’ kapaissananna ba’tu tangnga’na, naurunganni ma’kada, nakua: Iatu kayu pira mangkamo kutunu api, iatu ruayanna kupantunui roti sia kupangrarangi duku’, angku la unggaragairi apa megallian, sia angku la umpenombai tu kayu sanglontok?

YEREMIA 32:31

Belanna randuk dio mai allo dibangunna tu kota iate sae lako allo iate napare’dek tu ara’Ku sia kamagi’girangKu Kuurunganni la ussabu’i tu kota iate dio mai oloKu,

YEREMIA 32:35

Sia mangkamo napabendan tu inan madaona Baal, tu diong lombok Ben-Hinom, la nanii umpemalaran anakna muane sia anakna baine lako Molokh, iamotu apa inang tae’ len Kupepasananni sia inang tae’ len bu’tu lan penaangKu, kumua la napogau’ tau iato mai tu apa megallian iate sia la nanaran tu to Yehuda umpogau’ kasalan.

YEREMIA 48:13

Attu iato iatu Moab la masiri’, buntu tumangna Kamos, susito Israel masiri’ buntu tumangna Betel pa’rannuananna.

YEREMIA 48:46

A’a mandasako Moab! Sanggangmo tu taunna Kamos, belanna mintu’ anakmu muane malemo dipali’ sia iatu anakmu baine malemo dirampa.

YEHEZKIEL 18:12

umpakario-rio to mandasa sia to mase-mase, mangrampa, tae’ napasule apa dipa’pentoean, na mentiro lako rapang-rapang dipodeata sia umpogau’ apa megallian,

DANIEL 11:31

Sia la napake’de’ tu ba’tu pira-pira surodadu, anna ruttakki tu inan maindan, iamotu tambakuku, sia la naputtai bang tu pemala’ allo-allo sia napabendanni tu apa megallian, tu ma’kasanggang.

DANIEL 12:11

Randuk dio mai pemala’ nenne’ bang kiallo-kiallo dipa’dei sia dipabendan tu apa megallian ma’kasanggang, den sangsa’bu dua ratu’ ngkasera pulona allona.

SURA’ KATOMINAAN 26:30

Sia la Kusanggang tu inan madao sia la Kusabu’i tu inan pemalaran pantunuan dupammi sia la Kupembuangan tu batang rabukmi dao batang rabukna deatammi sia la Kukalilukomi.

MIKHA 1:5

Mintu’nate bannang dio kapatodo-tintinganna Yakub sia kasalanna to Israel. Apara tu kapatodo-tintinganna Yakub? Tangiaraka tu Samaria? Sia apara tu kasalanna inan madaona Yehuda? Tangiaraka tu Yerusalem?

ZAKHARIA 14:4

Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

KADIBILANGAN 21:29

Upu’ allomu, e Moab; sanggangmoko pole’, e taunna Kamos! Ia napotete namallai tu anakna muane, na iatu anakna baine dadi to dirampana Sihon, datu to Amori.

KADIBILANGAN 33:52

manassa la miula’i tu mintu’ to ma’tondok dio tingayomi sia la misanggang tu mintu’ panggaraga dipa’na tu dipa’deatai; sia ia duka tu mintu’ rapang-rapang dipodeata dipati’no’na la misanggang sia mintu’ inan madaona la misabu’i.

MATIUS 26:30

Iatonna mangkamo umpopenani pa’pudian, sunmi namale ma’palulako buntu Zaitun.

PENGGAURANNA RASULU’ 1:12

Tonna mangkato sulemi tu mai rasulu’ lako Yerusalem dio mai tu buntu disanga Zaitun, sikandappi’ bangsia Yerusalem pada kalingkan ma’din dilingkai lan allo katorroan.

PENGGAURANNA RASULU’ 1:9

Iatonna mangka ma’kada susito, tiangka’Mi tonna mentiro lako tinde tau, anNa tileak tama gaun, natae’mo natiro tinde tau.

PENGGAURANNA RASULU’ 7:43

Manassa umpasonglo’komi lantang-lantang Molokh, sia bintoen Romfa, deatammi, tu mintu’ rapang-rapang migaraga la mipenombai. Iamoto angKu la umpalengka’komi lako rampe diona lu Babel.

PA’TOLE 13:14

attu iato la muparessa melo sia la mupekutanan tongan; iake tonganni sia manassa, kumua den apa megallian dipogau’ dio lu kamu,

PA’TOLE 27:15

Tampak ropu lako muane, tu manggaraga rapang-rapang dipodeata dipa’ ba’tu dipati’no’, iamotu misa’ apa Nakagalli PUANG, panggaraga lima to pande, sia membuni bang umpabendanni. Anna mintu’ bangsa mebali nakua: Amin.

TO PARENGNGE’ 11:24

Tae’raka mipomana’i tu apa nabenkomi Kamos, deatammi, la mipomana’? Susi dukato la kipomana’ tu mintu’ tondok tu Narambai PUANG, Kapenombangki, tu to umpa’tondokki dio mai tingayoki?