1 DATU 11:24 - Sura' Madatu

²⁴ Narampunmi tu tau lako kalena, anna ia umpangului to misa’ kaponan; iatonna la umpatei Daud, mallaimi lako Damsyik anna torro dio, anna angka’i tu Rezon dadi datu dio Damsyik.

1 DATU 11:24 ပူးပေါင်းရင်းမြစ်များ

KADADIAN 14:15

Nataa-taami tu solana ullaoi uali tonna bongi, anna taloi, naula’i sae lako Hoba rampe rekkena Damsyik.

2 SAMUEL 10:18

Apa mallai tu mintu’ to Aram dio mai tingayona to Israel; napateimi Daud pituratu’ tu darang karetana to Aram sia patangpulo sa’bunna pakkanarang, sia nabangkei tu Sobakh kamandangna, anna mate inde to dio.

2 SAMUEL 10:6

Iatonna issanmi to Amon kumua napakadake lelemo tu kalena dio olona Daud, nasuami ussaroi to Aram dio Bet-Rehob sia to Aram dio Zoba duangpulo sa’bu tu surodadu lumingka, sia surodadunna datu Maakha sangsa’bu, sia surodadunna Tob sangpulo dua sa’bu.

2 SAMUEL 10:8

Tassu’mi tu to Amon anna ma’pampangan dio tingayo babangan tondok, apa mintu’ to Aram dio mai Zoba sia Rehob sia mintu’ to Tob sia Maakha pada bendan dio inanna dio lu padang.

2 SAMUEL 8:3

Sia natalo Daud tu Hadadezer, anakna Rehob, datu Zoba, tonna male umpasule kuasanna sae lako salu Efrat.

1 DATU 11:25

Iamo ualinna to Israel angge tuona Salomo; senga’pi to tu kakadakean napogau’ Hadad. Iatu Rezon ungkagi’gi’ to Israel sia iamo datu dio Aram.

1 DATU 15:18

Attu iato naala nasangmi Asa tu mai salaka sia bulaan tu tinampena siapa lan bilik pangnannanna banuanNa PUANG sia iatu lan bilik pangnannanna banuanna datu, anna sorongi lako to mase’ponna, nasuai datu Asa lao umbaai lako Benhadad, anakna muane Tabrimon, anakna muane Hezion, datu to Aram, dio Damsyik, nakua:

1 DATU 19:15

Ma’kadami tu PUANG lako Nakua: Suleko unnola lalanmu lako padang pangallaran Damsyik; iammu sae lako, tokkoi tu Hazael, dadi datu to Aram.

1 DATU 20:34

Ma’kadami tu Benhadad lako datu nakua: Iatu mintu’ tu narampa ambe’ku dio mai ambe’mi, la kupasulemo; sia dieloran dukakomi untanan pasa’ dio Damsyik, susitu natanan ambe’ku dio Samaria, sia la untananki’ misa’ basse angku messiman dio mai kalemi. Untananmi basse sola duai, anna eloranni Ahab male.

2 DATU 14:28

Iatu tang dipokadannapa tu mintu’ tuna’na Yerobeam sia mintu’na apa napogau’ sia penggauran lalongna, sia umba nakua parari sia umba nakua umpasulei tu Damsyik sia Hamat, tu dolona napolili’ Yehuda, lako Israel, tang tisura’moraka lan sura’ ossoranna mintu’ datu to Israel?

2 DATU 8:7

Saemi tu Elisa lako Damsyik tonna masaki tu Benhadad, datu to Aram. Naparampomi tau lako datu, kumua: Iatu taunNa Puang Matua diomo mai.

PENGGAURANNA RASULU’ 9:2

umpalakui lako tu sura’ kuasa anna baai lako banua pa’kombongan dio tondok Damsyik, kumua ianna den tau unnolai lalan kapekaalukan iato nakabu’tui, nala muane nala baine, nabaa situang pungo lako Yerusalem.