1 DATU 11:2 - Sura' Madatu

² dio mai tu mintu’ bangsa mangka Napepasanan PUANG lako to Israel susite, Nakua: Da misirau ta’nak sia da duka namerrau tu tau iato mai lako kalemi, da napasepangi tu penaammi umpenombai deatanna: apa la’ka’ tu penaanna Salomo lako.

1 DATU 11:2 ပူးပေါင်းရင်းမြစ်များ

KADADIAN 2:24

Iamoto anna la untampe ambe’na sia indo’na tu muane anna la’ka’ lako bainena, anna mendadi sangbatang kale sola duai.

KADADIAN 34:3

La’ka’mi tu penaanna sia masinna lako anak dara iato, nasede-sedemi tu penaanna anak dara iato.

1 DATU 11:9

Re’dekmi tu ara’Na PUANG lako Salomo, belanna’ sepangmo tu penaanna dio mai PUANG, Kapenombanna to Israel, tu mangka ombo’ penduan lako kalena,

2 OSSORANNA DATU 19:2

Malemi tu Yehu, anakna Hanani, umpessitammui, anna ma’kada lako datu Yosafat nakua: Sipaturokomika untundui tu to tang mekaaluk sia sisangmane to ungkabiri’ PUANG? Iamoto narampoikomi kare’dekan ara’na PUANG.

2 OSSORANNA DATU 21:6

Umpeolaimi gau’na mintu’ datu Israel, susi penggauranna to lan tongkonan layukna Ahab belanna umpobaine anakna Ahab sia umpogau’ apa kadake dio pentiroNa PUANG.

EZRA 9:12

Iamoto da mibenni tu anakmi baine napobaine anakna tau iato mai sia da mialai tu anakna baine mipasibali anakmi; sia da midakaran lenni tu napomelona sia napomaupa’na, kumua mimatoto’ sia mikandei tu bura maelona padang iato sia mibenni bati’mi napomana’ tontong sae lakona.

PA’PUDIAN 139:21

O PUANG, tang kukabiri’raka tu mintu’ to ungkabiri’Komi? Sia tang kukasorroraka tu mintu’ to umbaliKomi?

KATASSURAN 23:31

Iatu lili’ tondokmu la Kukamaseangko randuk dio mai tasik Teberau sae lako tasik to Filistin sia dio mai padang pangallaran sae lako salu Efrat belanna mintu’ tau lan tondok iato la Kusorong tama limammu, ammu rambai tu tau iato mai dio mai tingayomu.

KATASSURAN 34:12

Sia kanandai tu kalemu dio mai kasibasseammu pa’tondokan tu mupempatui, kumua da anna tau iato mai dadi poya dio kalemu.

KATASSURAN 34:16

Iake mualai tu anakna tau iato mai la napobaine anakmu, sia iake ma’gau’i umpengkaolai deatanna, manassa la nanaran duka tu anakmu ma’gau’ sala umpengkaolai deatanna.

MALEAKHI 2:11

Iatu Yehuda ma’gau’ tang maruru’mo sia iatu penggauran megiangan dipogau’mo lan Israel sia lan Yerusalem, belanna iatu Yehuda umpamatuna apa maseroNa PUANG, tu Nakamali’, sia umpobaine anakna deata to salian bangsa.

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

1 KORINTUS 15:33

Da mipusa: iatu ulelean ma’kapettok untumang gau’ melo.

KADA OMBO’ LAKO RASULU’ YOHANES 2:4

Apa den misa’ Kusayuangko, iamotu untampemoko pa’kaboro’ dolomu.