1 DATU 11:15 - Sura' Madatu

¹⁵ Iatonna alami Daud tu Edom sia male tu Yoab, kamandang lompo, ullamunni tu mintu’ to dipatei, napateimi Yoab tu mintu’ muane dio Edom.

1 DATU 11:15 ပူးပေါင်းရင်းမြစ်များ

KADADIAN 25:23

Ma’kadami tu PUANG lako Nakua: Den da’dua bangsa lan pa’tambukammu, iatu da’dua to sangpetayanan sisarak sun lan mai inan taummu; iatu misa’ la mawatang ia na iatu misa’na sia iatu kakanna la napokaunan adinna.

KADADIAN 27:40

sangadinna pa’dangmuri la munii tuo sia la mengkaunanko lako adimmu. Sia la dadi undinna, ke umberong-berongko, la mulendokan tu ayokana dao mai sokkongmu!

2 SAMUEL 8:13

Kaleleammi tu sanganna Daud tonna sulemo untalo to Edom diong Lombok Ma’sin, namate tau sangpulo karua sa’bunna.

2 SAMUEL 8:14

Sia napao’ko’i surodadu ma’kampa lan tu Edom; lan mintu’ tondok Edom napao’ko’i surodadu ma’kampa, naurunganni lumbang baka direngnge’ tu mintu’ to Edom lako Daud. Susimoto tu PUANG ungkamasei Daud kapataloan umba-umba nanii male.

1 DATU 11:14

Napadenmi PUANG tu misa’ to umbali Salomo, iamotu Hadad, to Edom; ia misa’ tarukna datu to Edom.

1 DATU 11:16

Belanna annanmo bulanna torro tu Yoab dio sola mintu’ to Israel sae lako puranna naroto’i tu mintu’ muane dio Edom.

PA’PUDIAN 108:10

Na iatu Moab pembasean lentekku; anna iatu Edom la kunii umpellebaran sepatungku, la unnarrakna’, belanna kutalo tu tondok Filistea.

PA’PUDIAN 60:1

Lu lakona pangala sengo. Unturu’ baenan sengo: Bunga bakung sukaran aluk. Misa’ ianan ballona Daud, napa’pangadaran lako tau.

KADIBILANGAN 31:17

Iamoto pateimi tu mintu’ muane dio lu pia sia ia duka tu mintu’ baine tu mangkamo sangampa’ muane la mipatei.

KADIBILANGAN 31:7

Laomi parari ullaoi Midian, susitu mangka Napepasanan PUANG lako Musa, anna patei tu mintu’ muane.

PA’TOLE 20:13

Sia la Nasorong PUANG, Kapenombammu, tama kuasammu, ammu pata’pai bassi mataran tu mintu’ muane umpa’tondokki.