1 DATU 11:1 - Sura' Madatu

¹ Iatu datu Salomo ungkamali’mo ba’tu pira-pira baine bangsa senga’, boko’ ia tu anakna Firaun, iamotu baine Moab, Amon, Edom, Sidon na Het,

1 DATU 11:1 ပူးပေါင်းရင်းမြစ်များ

1 DATU 11:8

Susi dukato napogauranni tu mintu’ baine senga’na, tu mantunu dupa sia memala’ lako deatanna.

1 DATU 14:21

Iatu Rehabeam, anakna Salomo, ma’parenta dio Yehuda. Patangpulomo mmisa taunna Rehabeam, tonna dadi datu, anna sangpulo pitu taunna ma’parenta dio Yerusalem, iamotu kota Napilei langsa’ PUANG dio lu mintu’ suku Israel, la Nanii umpatulangdan sanganNa. Iatu indo’na disanga Naama, to Amon.

1 DATU 14:31

Mangkato malemi tama batu dilobang tu Rehabeam sola nene’ to dolona, anna dipeliang lan kotana Daud, lan liangna nene’ to dolona. Iatu indo’na, disanga Naama, to Amon. Anna Abiam, anakna muane, ussondai dadi datu.

1 DATU 16:31

Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

1 DATU 3:1

Pakalan napomatusami Salomo tu Firaun datu Mesir, belanna napobaine tu lai’na Firaun sia nabaamo tama kotana Daud sae lako mangkanna tu datu umbangun tongkonan layukna sia banuanNa PUANG sia rinding tembo’ tu untikui Yerusalem.

EZRA 10:44

Mintu’nai te umpobainemo baine salian lembang, na dio lu bainena tau iato mai denmo tu undadian pia muane.

EZRA 9:1

Iatonna mangkamo tu mintu’ apa iato, saemi tu mintu’ pangulu lako kaleku sia ma’kada nakua: Iatu to Israel sia tominaa sia to Lewi tae’ natoyangan kalena dio mai mintu’ bangsa lan tondok diona tu apa megallian, iamotu dio mai to Kanaan, to Het, to Feris, to Yebus, to Amon, to Moab, to Mesir na to Amori.

EZRA 9:2

Belanna naala tu anakna tau iato mai napobainei sia napasibali anakna muane, napobannangi iatu bati’ masero dipasirau mintu’ bangsa lan tondok iato, ondongpi iatu mai pangulu sia to paa undoloanni umpoka kamarurusan.

KATASSURAN 34:16

Iake mualai tu anakna tau iato mai la napobaine anakmu, sia iake ma’gau’i umpengkaolai deatanna, manassa la nanaran duka tu anakmu ma’gau’ sala umpengkaolai deatanna.

SARAMBU PEADA’ 2:16

anna rampanangko dio mai baine to senga’, dio mai baine, tu tang ditandai tu ma’kada massede,

SARAMBU PEADA’ 22:14

Iatu pudukna bainena tau susi misa’ kalo’tok mandalan; minda-minda tu Nasengkei PUANG, manassa la tobang rokko.

SARAMBU PEADA’ 23:33

Iake susito, iatu matammu untiro ma’rupa-rupa apa memangngan, sia tang ma’runduanan tu penaammu muma’damolang.

SARAMBU PEADA’ 31:3

Da mupalulakoi baine tu kamatotorammu, sia iatu kasikadamakammu baine iato umpamandasa datu.

SARAMBU PEADA’ 6:24

tu la umpatoyangko dio mai baine sala’ kedo, dio mai lila panglono’ to tang ditandai.

SARAMBU PEADA’ 7:5

anna ia ungkaritutuiko dio mai bainena to senga’, sia iatu to tang ditandai, tu ma’kada mammi’ bang.

SURA’ KATOMINAAN 18:18

Da mupobaine misa’ baine mupa’da’duai siulu’na, ammu pasisondai musisangamparan, ke tuopi bainemu.

PA’TOLE 17:17

Sia da duka napebudai tu baine napobaine, da nasepang tu penaanna sia da duka narampunan kalena salaka sia bulaan tarru’ buda.