1 DATU 10:9 - Sura' Madatu

⁹ Mintu’na kadipudian lu langngan nasang PUANG, Kapenombammi, tu umpopaimankomi, naurunganni umpannisungkomi dao isungan kapayunganna Israel! Belanna tontong sae lakona Nakamasei PUANG, tu to Israel, iamoto anNa angka’komi dadi datu la umpogau’ katonganan sia kamaloloan.

1 DATU 10:9 ပူးပေါင်းရင်းမြစ်များ

2 SAMUEL 23:3

Ma’kada tu Kapenombanna to Israel, narampoina’ kadanNa Buntu batunna to Israel, Nakua: Misa’ to ma’parenta lako tolino sitoe kamalamburan, misa’ to ma’parenta ungkataku’ Puang Matua.

2 SAMUEL 5:12

Susito naissanni Daud, kumua Napamanda’mo PUANG undatui to Israel sia Napamala’bi’ tu kadatuanna belanna taunNa, iamotu to Israel.

2 SAMUEL 8:15

Iatonna datui Daud tu mintu’ to Israel, untoe katonganan sia kamaloloan lako mintu’ taunna.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 DATU 5:7

Iatonna rangimi Hiram tu kadanna Salomo, sende tonganmi, nama’kada nakua: Mintu’na kadipudian lu lako PUANG te allo iate, tu mangka ungkamasean Daud misa’ pia muane kinaa la umparentai te bangsa kapua iate.

1 OSSORANNA DATU 17:22

Mangkamo tu to Israel taumMi Mipadadi misa’ bangsa lako Kalemi masae lako, sia Kamu, o PUANG, tu Kapenombanna tau iato mai.

2 OSSORANNA DATU 2:11

Nabalimi Huram, datu Tirus, lan misa’ sura’ napa’pean Salomo, nakua: Belanna Nakamasei PUANG tu taunNa, iamoto Naangka’komi datu umparentai tu tau iato mai.

PA’PUDIAN 18:19

Iatongku maparri’ narukka’na’ tau iato mai, apa PUANG ussande’na’.

PA’PUDIAN 22:8

Minda-minda untirona’ nabe’sena’, sia nabellu’ina’ anna unniling-iling, nakua:

PA’PUDIAN 72:2

Anna tang pakayun bimbang umpaolai salunna tu taumMi, sia tang ussembe’ beko-beko to dipandasamMi.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

YESAYA 62:4

Tae’mo nala ungkuangko tau kumua: To ditampe, sia tae’mo nala ussangai tau tu tondokmu Tondok talo; sangadinna la nasangaiko tau: To Kupopaiman, na iatu tondokmu disangai: To kemuanemo. Belanna Napopaimanko PUANG sia iatu padangmu la dipopendapo’.

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YEREMIA 31:3

Iatu PUANG payanmo lako kaleku dio mai inan mambela: Tonganna Kukamaseiko situang pa’kamase matontongan, iamoto Kunaranko kamasokanan.

MALEAKHI 1:2

Kukaboro’ikomi, kadanNa PUANG. Apa ma’kadakomi mikua: Umbara Mikua umpapayanni tu pa’kaboro’Mi? Tae’raka nasiulu’na Yakub tu Esau? kadanNa PUANG. Moi nasusito, Kukaboro’i tu Yakub,

PA’TOLE 7:8

Apa belanna nakamaseikomi PUANG sia Napalanda’ tu pangallu’Na Napalaoi sumpa lako nene’ to dolomi, iamoto Nasolangkomi tassu’ tete dio lima mawatang sia Nalendokangkomi dio mai inan minii dipokaunan dio mai kuasanna Firaun datu to Mesir,