1 DATU 10:25 - Sura' Madatu

²⁵ Pantan umbaami pamenganna, iamotu oongan salaka sia bulaan, pakean, pa’buno, pebangki’, darang sia bagala’, ke taunnoi.

1 DATU 10:25 ပူးပေါင်းရင်းမြစ်များ

KADADIAN 36:24

Inde sia tu anakna Zibeon: Aya na Ana; iamora tu Ana mangka ungkabu’tui ba’tu pirang mata uai lassu lan padang pangallaran, tonna laai tu mintu’ keledainna Zibeon ambe’na.

2 SAMUEL 8:10

nasuami Tou tu Yoram, anakna, mennolo lako datu Daud, la umpekutanan kamalaga’-lagaranna sia umparampo passalama’ lako kalena, belanna nararii tu Hadadezer sia natalo belanna iatu Hadadezer tontong bang sirari Tou –; nabaami Yoram tu ba’tu pira-pira pareanan salaka sia bulaan sia tambaga.

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

1 DATU 1:33

Ma’kadami tu datu lako nakua: Solan nasangi tu mintu’ taunna puangmi, anna anakku Salomo messake dao bagala’ku, ammi solanni lako Gihon.

1 DATU 10:10

Nabenmi bulaan tu datu Salomo saratu’ duangpulo talenta sia lendu’ budanna pebangki’ sia ma’rupa-rupa parimata ballo: iatu pebangki’ napa’bengan datu baine Syeba lako datu Salomo, tae’mo padanna totu nabaa tau.

1 DATU 18:5

Nakuami tu Ahab lako Obaja: Maleko sumalong lan lu tondok, dio lu to’ kalimbuang sia salu, umbai anta kabu’tui sia riu, anta patuopi te mai darang sia bagala’ sia da tapatei tu ba’tu pira-pira patuoan.

1 DATU 5:1

Nasuami Hiram, datu Tirus tu pesuanna lako Salomo, belanna narangi, kumua iatu Salomo ditokko mendadi datu la ussonda ambe’na, belanna iatu Hiram tontong sisangmane karra’ Daud.

2 DATU 17:4

Apa naapparan datu Asyur tu Hosea umpaden kasipakulu-kuluan, belanna ussua pesua lako So, datu Mesir, sia tang massima dukamo lako datu Asyur, susitu biasanna ke taunoi, iamoto natingkanni datu Asyur sia napattang lan pa’tarungkuan.

2 OSSORANNA DATU 26:8

Iatu to Amon umpennoloan sima lako Uzia. Tarompo’ tu sanganna sae lako Mesir, belanna iatu kuasanna sakapua-puana.

2 OSSORANNA DATU 9:24

Pantan umbaami pamenganna, iamotu oongan salaka sia bulaan, pakean, pa’buno, pebangki’, darang sia bagala’, ke taunoi.

EZRA 2:66

Iatu darangna tau iato mai den pituratu’ tallungpulo nnannan, na bagala’na duaratu’ patangpulo llima,

ESTER 8:10

Nasura’mito tete dio sanganna datu Ahasweros sia naca’i sissin peca’na datu, napakatumi tu mintu’ sura’ iato nabaa ba’tu pira-pira to pambaa sura’ malinta’, tu messake, ussakei darang kadatuan, darang pa’songko’,

ESTER 8:14

Male nasangmi tu mintu’ pambaa sura’ malinta’ ussakei darang kadatuan masia’ tongan lumingka unturu’ parentana datu na iatu atoran iato dipa’peissanan lan kota benteng Susan.

AYUB 42:11

Attu iato pantan saemi tu mai siulu’na muane sia anak daranna sia mintu’ to nasitandan dolona ungkaduakki anna kumande sola lan banuanna. Sumarromi umpa’pekitanan massengna lako Ayub, anna pakatanai tu diona mintu’ kamandasan Naparampoanni PUANG, anna pantan umbenni misa’ batu salaka sia misa’ baba’ bulaan.

PA’PUDIAN 68:29

Nasuamoko kuasa Kapenombammu, ammu pokuasai; o Puang Matua pa’pekitanammi tu kuasamMi, Kamumo, tu mangka umposara’kan.

PA’PUDIAN 72:10

Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

PA’PUDIAN 72:15

Sangapaoi anna marendeng; anna pennoloanni tau lako tu bulaan dio mai Syeba. Sia tang ka’tu kapassambayangan, sia umpalakuanni kamauparan kiallo-kiallo.

YESAYA 36:16

Da miperangii tu kadanna Hizkia, belanna nakua kadanna datu Asyur: Menombakomi sia ussorongkomi kalemi lako kaleku, ammi pantan ungkandei tu bua anggoro’mi sia bua arami sia pantan unniru’ uai lan mai bubunmi.

YESAYA 66:20

Anna tau iato mai ussolanni dio mai mintu’ bangsa tu mintu’ siulu’mi butung to pemala’ lako PUANG; tau iato mai la ma’darang sia ma’kareta sia dibulle dao kadera; sia ma’bagala’ sia ma’unta malinta’ rampo lako buntu maindanKu, iamo Yerusalem, kadanNa PUANG, sangtinti to Israel umpennoloan pemala’ lan pa’pannian maindan tama banuanNa PUANG.

YEHEZKIEL 27:14

Dio mai Bet-Togarma nabaa tau tu darang, darang sia keledai sakean sia bagala’, napasituka’ balukammu.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

TO PARENGNGE’ 3:15

Meongli’mi tu to Israel langngan PUANG, Napatulangdananni PUANG misa’ tu to mangrampanan, iamotu Ehud, bati’na Gera, suku to Benyamin, misa’ to kairi. Biasa nasua to Israel lao umbaa pa’kasian lako Eglon, datu Moab.

1 SAMUEL 10:27

Apa den tu ba’tu pira to bulituk ma’kada, nakua: Umba nakua la urrampanangki’ te? Sia napamatuna tau iato mai sia tae’ nama’kasian lako kalena, apa nakappai bang Saul tu iannato.