1 DATU 10:11 - Sura' Madatu

¹¹ Sia iatu mintu’ lembangna Hiram tu umbaa bulaan dio mai Ofir, umbaa duka tarru’ buda kayu almuggin sia ma’rupa-rupa parimata ballo dio mai Ofir.

1 DATU 10:11 ပူးပေါင်းရင်းမြစ်များ

1 DATU 10:12

Iatu kayu almuggin iato nagaraga datu oongan lan banuanNa PUANG sia lan banuanna datu, sia nagaragai katapi sia dandi napake to massengo. Iatu kayu almuggin susito tae’ lenpa nabaai ba’tu natiroi tau sae lako totemo.

1 OSSORANNA DATU 1:23

Ofir, Hawila na Yobab; ia nasangmote tu anakna muane Yoktan.

2 OSSORANNA DATU 2:7

Totemo la misuanna’ misa’ tau, tu manarang manggaraga bulaan, salaka, tambaga, bassi, bannang lango-lango makaseda, karamisi na lango-lango, sia manarang unggaragai passura’ sisola mintu’ pande, tu dio kaleku lan Yehuda sia Yerusalem, tu naparandananni Daud, ambe’ku, tu pa’diaman iato.

2 OSSORANNA DATU 2:8

Sia la mipa’peanna’ kayu arasi’ sia sendana sia algummin dio mai Libanon, belanna kuissan kumua iatu mintu’ taummi manarang ullelleng kayu dao Libanon. Manassa iatu mintu’ taungku la untundui taummi,

2 OSSORANNA DATU 8:18

Nasuami Huram tu taunna umbaa kappala’ sia ba’tu pira-pira pa’lopi lako Salomo; massombarammi tu tau iato mai sola taunna Salomo lako Ofir, anna alai inde to dio mai tu bulaan a’pa’ratu’ limangpulo talenta, nabaai lako datu Salomo.

AYUB 22:24

sia iake mutibei tu bulaan tang dikombong tama to’ barra’-barra’, sia bulaan Ofir rokko to’ batu lan tangnga salu,

PA’PUDIAN 45:9

Mintu’ tamangkalemi situtu’ bau muru sia andelen sia kadinge’; sia lan mai tongkonan layuk dikararak gading naniimo tu mintu’ paningoan diritii umpasendekomi.