1 DATU 10:10 - Sura' Madatu

¹⁰ Nabenmi bulaan tu datu Salomo saratu’ duangpulo talenta sia lendu’ budanna pebangki’ sia ma’rupa-rupa parimata ballo: iatu pebangki’ napa’bengan datu baine Syeba lako datu Salomo, tae’mo padanna totu nabaa tau.

1 DATU 10:10 ပူးပေါင်းရင်းမြစ်များ

KADADIAN 43:11

Nakuami lako tu Israel ambe’na: Iake susito, pogau’i susite: alami tu apa bu’tu lan padang iate tu melona, patamai pa’panniammi mibaai rokko la mipennoloan lako puang iato, susinna tu pebangki sidi’, sia tani’ enoan sidi’, lite busarungngu’, kamanian, bua pinu’, sia bua badan.

1 DATU 10:2

Saemi dio Yerusalem naturu’ baanan makamban sia ba’tu pira-pira unta unteke’ pebangki’ sia bulaan lendu’ budanna sia ma’rupa-rupa parimata ballo. Rampomi lako Salomo, anna pokadai lako tu mintu’ apa lan penaanna.

1 DATU 9:14

Iatu bulaan napa’pea Hiram lako datu Salomo, den saratu’ duangpulo talenta.

PA’PUDIAN 68:29

Nasuamoko kuasa Kapenombammu, ammu pokuasai; o Puang Matua pa’pekitanammi tu kuasamMi, Kamumo, tu mangka umposara’kan.

PA’PUDIAN 72:10

Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

PA’PUDIAN 72:15

Sangapaoi anna marendeng; anna pennoloanni tau lako tu bulaan dio mai Syeba. Sia tang ka’tu kapassambayangan, sia umpalakuanni kamauparan kiallo-kiallo.

KATASSURAN 30:34

Sia Nakuapa tu PUANG lako Musa: Alako pebangki’ busarungngu’: muru to’do kalena, onik sia dama’ busarungngu’, iamotu pebangki’ busarungngu’ sia kemenyan massang, mintu’nato la pada budanna.

SARAMBU PEADA’ 20:15

Moi naampui tau tu bulaan sia unnampui buda merdan, iatu ianan ballo tongan, iamotu puduk ma’kada kinaa.

TOMANGADA’ 2:8

Kurampunan dukamo kaleku tu bulaan sia salaka, sia ianan nabaa datu senga’ sia napabu’tu negara senga’; kupadenammo kaleku tu to menani muane sia to menani baine sia iatu mai apa umpoparannu tolino, iamotu ma’rupa-rupa kamaruasan.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

KADA OMBO’ LAKO RASULU’ YOHANES 21:11

Nakabu’ kamala’biranNa Puang Matua. Iatu arrangna susi parimata masu’lik allinna, susi parimata intan, malinnong susi kinang.