1 DATU 1:8 - Sura' Madatu

⁸ Apa iatu to minaa Zadok sia Benaya, anakna Yoyada, na nabi Natan na Simei na Rei sia mintu’ pa’baraninna Daud, tae’ namenturu’ lako Adonia.

1 DATU 1:8 ပူးပေါင်းရင်းမြစ်များ

2 SAMUEL 12:25

Nasuami tu nabi Natan ussangai Yedija, belanna pa’poraianNa PUANG.

2 SAMUEL 20:23

Iatu Yoab iamo kamandang lompona mintu’ surodadu to Israel, sia Benaya, anakna Yoyada, kamandangna to Kreti sia to Pleti.

2 SAMUEL 20:25

Sia Seya kapala to massura’; sia Zadok sola Abyatar to minaa sola duai.

1 DATU 1:26

Apa iate aku te, tu taunna datu, sia to minaa Zadok sia Benaya, anakna Yoyada, sia Salomo, tu taunna datu tae’ anna tambaikan.

1 DATU 1:32

Nakuapa tu datu Daud: Tambaianna’ to minaa Zadok sola nabi Natan na Benaya, anakna Yoyada; saemi tu tau iato mai mennolo lako datu.

1 DATU 1:38

Malemi tu to minaa Zadok sola nabi Natan na Benaya, anakna Yoyada, sisola to Kreti sia to Pleti, anna popessakei tu Salomo dao bagala’na datu Daud, anna solanni lako Gihon.

1 DATU 2:35

Naangka’mi datu tu Benaya, anakna Yoyada, dadi kamandang lompo ussonda Yoab, anna to minaa Zadok ussonda Abyatar.

1 DATU 4:18

na Simei, anakna Ela, dio Benyamin;

1 OSSORANNA DATU 16:39

Apa iatu to minaa Zadok sola mintu’ siulu’na, tu to minaa, (napatorro) dio tingayo kemaNa PUANG dao inan madao nanii memala’ dio Gibeon,

YEHEZKIEL 44:15

Apa iatu mintu’ to minaa to Lewi, bati’na Zadok, tu ungkaritutui kamenomban lan inan maindanKu, tonna memboko’ tu to Israel dio mai Kaleku, tau iato mai la urreke’Na’ la umpenombaiNa’ sia bendan dio oloKu lan umpennoloanni lako Kaleku tu lompo sia rara, kadanNa Puangta PUANG.

ZAKHARIA 12:13

pa’rapuanna manna bati’na Lewi sia ia manna tu mintu’ bainena; pa’rapuanna manna Simei sia ia manna tu mintu’ bainena;