1 DATU 1:5 - Sura' Madatu

⁵ Attu iato, iatu Adonia, anakna Hagit matampo penaanna naurunganni ma’tangnga’ nakua: Akumo tu la datu. Napasakka’mi tu ba’tu pira-pira kareta sia pakkanarang sia limangpulo tau la dolo ma’dondo-dondo dio olona.

1 DATU 1:5 ပူးပေါင်းရင်းမြစ်များ

2 SAMUEL 15:1

Mangkato, mesuami Absalom umparandan kareta sia darang sia tau limangpulo dolo ma’dondo-dondo dio olona.

2 SAMUEL 3:4

anna iatu ma’penna’pa’na Adonia, anakna Hagit; na ma’pellimanna Sefaca, anakna Abital,

1 DATU 1:11

Attu iato ma’kadami tu Natan lako Batsyeba, indo’na Salomo, nakua: Tae’raka mirangi kumua iatu Adonia, anakna Hagit, dadi datu, natae’ naissanni puangta Daud?

1 DATU 1:4

Iatu pia baine iato lendu’ maballona; nadaranaimi tu datu sia nakamayai, apa tae’ nasangampa’ datu.

1 DATU 2:13

Saemi tu Adonia, anakna Hagit, mennolo lako Batsyeba, indo’na Salomo; mekutanami tu Batsyeba, nakua: Lantuk siaraka tu kasaeammu? Mebalimi nakua: Io, lantuk sia.

1 DATU 2:15

Nakuami: Miissan duka, kumua iatu kadatuan inang taaku sia pada nasangamo tu mintu’ to Israel kumua akumo la datu, anna membali kataananna adingku, belanna PUANGmo umpapatui.

1 DATU 2:24

La lelukraka tuoNa PUANG, tu untokkona’ sia umpannisungna’ dao kapayunganna ambe’ku Daud, sia ungkamaseanna’ bati’ lan tongkonan layuk, susitu Naallu’, ke tae’i nadipatei bangsiamo tu Adonia allo iate.

1 OSSORANNA DATU 28:5

Dio mai mintu’ anakku muane – belanna Nakamaseina’ PUANG buda pia muane – Natonno’ tu anakku muane Salomo la unnisung dao isungan kadatuanNa PUANG umparenta to Israel.

1 OSSORANNA DATU 29:1

Mangkato ma’kadami tu datu Daud lako mintu’ kombongan, nakua: Iatu anakku Salomo, tu Natonno’mo Puang Matua misa-misai mangurapa sia malolle’pa, anna iate pengkarangan kapua, belanna iate tambakuku tangia inan tolino, sangadinna inanNa PUANG Kapenomban.

1 OSSORANNA DATU 3:2

ma’pentallunna Absalom, anakna muane Maakha, anakna baine Talmai, datu Gesur, ma’penna’pa’na Adonia, anakna muane Hagit,

KATASSURAN 9:17

Tontong bangpoko undampa taungKu, tang mueloran male.

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

SARAMBU PEADA’ 18:12

Iatu kamadaoan penaanna tau undoloan katobangan, apa iatu kamadiongan penaa undoloan kadipangkeran.

YESAYA 2:7

Ponno salaka sia bulaan tu tondokna sia tang dipura tu mai iananna, sia ponno darang tu tondokna sia tang dikemba’ tu mai karetana.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 18:14

Kukua lako kalemi: iate tau iate diseroi sule lako banuanna, apa iatu tau ina’ tae’, belanna minda-minda umpamadoan bang kalena, iamo la dipamadiongan, na minda-minda umpamadiongan kalena, iamo la dipamadoan.

TO PARENGNGE’ 9:2

Palanda’i tama pa’peranginna mintu’ to umpa’tondokki Sikhem kumua: Umbara misanga melo, ke naparentakomi tau pitungpulo muane, mintu’ anakna muane Yerubaal, na iake to misa’ri umparentakomi? Sia la mikilalai kumua to sangrara sangbukuki’.