1 DATU 1:48 - Sura' Madatu

⁴⁸ Sia ma’kada tu datu susite nakua: Mintu’ kadipudian lu langngan nasang PUANG, Kapenombanna to Israel, tu allo iate umpa’kamasean misa’ to unnisungi kapayungangku, tu natiro kalenamo matangku.

1 DATU 1:48 ပူးပေါင်းရင်းမြစ်များ

KADADIAN 14:20

Mintu’ kadipudian lu langngan nasang Puang Patodoranna, tu mangka ussorong ualimmu tama limammu. Nasorongmi Abram lako tu sangtaa sangpulona mintu’ barang apanna.

2 SAMUEL 24:3

Nakuami Yoab lako datu: Na PUANG, Kapenombammimora, urrangnganni te tau iate pessaratu’ manglokkon na iatu dennamo, anna matannamora puangku datu untiroi, apa ma’apai nakamorai puangku datu tu apa susite?

2 SAMUEL 7:12

Iake upu’mi tu allomu, sia ka’tu angin dipudukmu musanginanmo nene’ to dolomu, iamoto angKu patulangdanni tu bati’mu la ussondako, iamoto sun dikalemu, angKu pabantangi tu kadatuanna.

1 DATU 1:49

Attu iato sipa’rundedeammi ara’na tu mintu’ to nasolan Adonia, anna pada male umpeloloi lalanna.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 DATU 8:20

Naparampo randannamo PUANG tu kada mangka Napokada, belanna tunannangmo’ ussonda Daud, ambe’ku, sia unnisungmo’ dao isungan kapayunganna Israel, susitu kadanNa PUANG, sia iate banua iate kubangunammo sanganNa PUANG, Kapenombanna to Israel.

1 OSSORANNA DATU 17:17

Na iatu iannate bitti’pa dio pentiroMi, o Puang Matua; iamoto Mimangka unnalluranni bati’na taumMi tu diona apa la dadi te attu la sae, sia Mitiromo’ misa’ garonto’ nanii mentaruk tau tu la sakendek-kendekna kamala’biranna, o PUANG Kapenomban.

1 OSSORANNA DATU 29:10

Attu iato napudi-pudimi Daud tu PUANG dio tingayona kombongan, sia nakua Daud: Mintu’ kadipudian lu lako Kalemi, o PUANG, Kapenombanna Israel, nene’ to doloki, tempon dio mai landa’ lako attu situran.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

PA’PUDIAN 145:2

La kupakarayaKomi kiallo-kiallo; sia la kupudi tu sangamMi tontong sae lakona.

PA’PUDIAN 34:1

Pa’pudianna Daud tonna unna’ga to bomboan kalena dio olona Abimelekh, tu unnula’i anna mallai.

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

SARAMBU PEADA’ 17:6

Iatu lanto mimi’ napomakota nene’, sia iatu to padadian napomala’bi’ anak.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

1 PETRUS 1:3

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate,

1 SAMUEL 25:32

Nakuami Daud lako Abigail: Mintu’na kadipudian lu langngan nasang PUANG, Kapenombanna to Israel, belanna Nasuako sae umpessitammuina’ allo iate!