1 DATU 1:40 - Sura' Madatu

⁴⁰ Saemi tu mintu’ to buda umbalole’ datu sia umpannoni suling sia sisumapuko-pukoan, naurungan takua to la ra’pak tu padang napobua’ gamaranna.

1 DATU 1:40 ပူးပေါင်းရင်းမြစ်များ

1 DATU 1:39

Naalami to minaa Zadok tu tanduk nanii minna’ lan mai tenda, anna tokkoi tu Salomo; anna pannonii tau tu napiri tanduk, namintu’ to buda sipeoli-olian nakua: Namaupa’mora tu datu Salomo!

1 DATU 1:41

Narangimi Adonia sola tu mai to natambai, tu mane ra’pa’ mangka kumande. Sia narangi Yoab tu oni napiri tanduk anna ma’kada, nakua: Apara napatu tu oni iato lan kota, anna lendu’ marambana tu tau.

1 DATU 1:45

Sia natokkomo to minaa Zadok sia nabi Natan dio Gihon dadi datu, anna ke’de’ tu tau iato mai sola nasang sisumapuko-pukoan, naurungan maramba tu tau lan kota, iamoto tu ramba mirangi.

2 DATU 11:14

Natiromi tu datu bendanmo dio to’ lentong situru’ lalan ada’ sia mintu’ kamandang sitangke tarompe’ ma’dioren sola datu; sia mintu’ to buda lan lu tondok iato siparannu-rannuan na umpannoni tarompe’. Nase’buse’bumi Atalya tu tamangkalena sia metamba nakua: Denmo, pa’tangnga’ leko’, pa’tangnga’ leko’!

2 DATU 11:20

Iatu mintu’ pa’tondokan parannu-rannu sia iatu kota marampa’, tonna mangkamo dipatei pa’dang tu Atalya lan tongkonan layuk.

PA’PUDIAN 97:1

PUANG tu untoe kapayungan: la mela’tek tu lino, sipatu tu lebukan ma’lako-lakoan la sende paiman.

DANIEL 3:5

Iake mirangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang bulaan, tu napabendan datu Nebukadnezar.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

LUKAS 19:37

Iatonna rampomo lako aa’ buntu Zaitun, randukmi parannu-rannu penaanna tu mintu’ anak gurunNa sia unnarak-arrak umpudi-pudi Puang Matua, belanna mintu’ kamatotoran mangka natiro,

1 SAMUEL 11:15

Male nasangmi tu bangsa iato lako Gilgal unnangka’ Saul dadi datu dio oloNa PUANG dio Gilgal sia napemalaran inde to tu pemala’ kasalamaran dio oloNa PUANG; parannu-rannumi tu Saul inde to dio sola mintu’ to Israel lendu’ marua’na.

1 SAMUEL 4:5

Iatonna rampomo tu patti basseNa PUANG lako to’ tenda surodadu, unnarrak-arrakmi tu mintu’ to Israel lendu’ mamakna, naurunganni parodo tu padang.