1 DATU 1:37 - Sura' Madatu

³⁷ Susi kaNarondonganna PUANG tu puangku datu dolona, la susi dukato tu Salomo la Narondong sia la Napatarompo’ tu isungan kapayunganna ondong na iatu isungan kapayunganna puangku datu Daud.

1 DATU 1:37 ပူးပေါင်းရင်းမြစ်များ

2 SAMUEL 24:3

Nakuami Yoab lako datu: Na PUANG, Kapenombammimora, urrangnganni te tau iate pessaratu’ manglokkon na iatu dennamo, anna matannamora puangku datu untiroi, apa ma’apai nakamorai puangku datu tu apa susite?

1 DATU 1:36

Mebalimi tu Benaya, anakna Yoyada, lako datu, nakua: Amin, la Napamanassa susimo PUANG to tu kadanna puangku datu.

1 DATU 1:47

Sia iatu mintu’ to mase’ponna datu sae dukamo umpennoloan pa’passakke lako puangta datu Daud, nakua: Denno upa’ anna Kapenombanna puangki umpatarompo’i tu sanganna Salomo mandu pole’ anna sangammi sia Napalayukki tu isungan kapayunganna mandu pole’ anna isungan kapayungammi. Tukkumi tu datu menomba dao inan mamma’na.

2 DATU 2:9

Iatonna rampomo sola duai lian, ma’kadami tu Elia lako Elisa, nakua: Palakumi tu apa ma’din kupogaurangko kumane diangka’ dio mai kalemu. Mebalimi tu Elisa nakua: Ke ma’dinni na iatu penaammi duang taan untorroina’.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

1 OSSORANNA DATU 29:25

Mandu Napatarompo’mi PUANG tu Salomo dio pentirona mintu’ to Israel, sia naben kadatuan kabarre-alloan, tu tae’ bangpa naden dolona misa’ datu dio lu to Israel, tu susi kamala’biranna to.

2 OSSORANNA DATU 1:1

Iatu Salomo anakna muane Daud, untoe manda’mo kaparentanna, belanna Narondong PUANG, Kapenombanna, sia Napatarompo’ tongan.

PA’PUDIAN 46:11

Rapa’komi sia issanni kumua Akumo tu Puang Matua; Akumo tu mala’bi’ dio lu mintu’ bangsa, sia mala’bi’ lan lino.

PA’PUDIAN 46:7

Marukka’mi tu mintu’ bangsa sia tigega’ tu mintu’ parenta, sumarabami tu Puang, anna bonno’ tu lino.

PA’PUDIAN 72:8

Sangapaoi anna ma’parenta umpasilamban-lamban tasik, sia umpasitarru’ Salu landa’ lako randan langi’.

PA’PUDIAN 89:27

La ma’kada lako Kaleku kumua: Kamumo tu Ambe’ku, Kapenombangku sia buntu batu kasalamarangku.

KATASSURAN 3:12

Ma’kadami tu Puang Matua nakua: Inang la Kurondongko sia iamote tu la dadi misa’ tanda lako kalemu, kumua Aku ussuako: iammu solanni tassu’ tu bangsa iato lan mai Mesir, la menombakomi langngan Puang Matua dao tanete iate.

YESAYA 8:10

Iatu apa mikombongan, inang tang la danun; iatu kada misama turu’i, tang la lolo’, belanna Narondongkan Puang Matua.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

ROMA 8:31

Totemo apara la takua diona tu mintu’nato? Iake sisolaki’ Puang Matua mindapa la umbaliki?

YOSUA 1:17

Susitu Musa kituru’, susi dukamoto tu kamu la kituru’; Narondongmorokomi PUANG, Kapenombammi, susi kaNarondonganna tu Musa.

YOSUA 1:5

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

1 SAMUEL 20:13

Nasanggangmira PUANG tu Yonatan sia la Narangngannipa, ianna pamanassami ambe’ku la ungkadakeiko, manassa la kupokadan buniko, angku rampanangko male, ammu ke’de’ marampa’. Na PUANGmora urrondongko susi tonna rondong ambe’ku dolona.