1 DATU 1:31 - Sura' Madatu

³¹ Mengguntu’mi tu Batsyeba anna tukku sae rokko padang sia menomba dio olona datu, anna ma’kada nakua: Namaupa’mora tu puangku datu Daud sae lakona!

1 DATU 1:31 ပူးပေါင်းရင်းမြစ်များ

2 SAMUEL 9:6

Saemi tu Mefiboset, anakna Yonatan, anakna Saul mennolo lako Daud, sia tukku rokko padang anna menomba. Nakuami Daud: E Mefiboset. Mebalimi nakua: Io, Puang.

1 DATU 1:25

Belanna allo iate malemo untunu sapi buda sia patuoan malompo sia domba anna tambai tu mintu’ anakna datu sia mintu’ pangulu rari sia to minaa Abyatar; marassanmo tu tau iato mai kumande sia mangiru’ dio olona, anna ma’kada nakua: Namaupa’mora tu datu Adonia.

NEHEMIA 2:3

Ma’kadamo’ lako datu kukua: Namasakkemora tu datu tontong sae lakona! Umba nakua tang la maru’gun lindoku ditiro, na dio lu kota iamotu inan nanii lamunanna nene’ to doloku, sanggangmo sia iatu babanganna puramo nakande api.

ESTER 3:2

Mintu’ to diala pareana datu, tu lan babangan datu, malinguntu’ sia tukku menomba dio olona Haman, belanna susimo napasan datu, kumua la dipogau’ susito lako kalena. Apa iatu Mordekhai tae’ namorai malinguntu’ sia tukku menomba.

DANIEL 2:4

Ma’kadami tu to Kasdim lako datu (ma’basa Arami), nakua: Namasakkemora tu datu sae lakona! pokadanni taummi tu tindo iato, angki sembangi.

DANIEL 3:9

Messimanmi tu tau iato nama’kada lako datu Nebukadnezar, nakua: Namasakkemora tu datu sae lakona!

DANIEL 5:10

Iatonna rangimi datu baine tu kadanna datu sia mintu’ to ma’parentana, tamami to’ inan pa’maruasan. Ma’kadami tu datu baine nakua: Namasakkemora tu datu sae lakona! Da naiatu tangnga’mi umpamagiangkomi, sia da nabali’ tu rupammi.

DANIEL 6:21

Iatonna reke’mi tu lo’ko’ singa, tang masero bangmo gamaranna tu datu untambai Daniel belanna masussa, anna ma’kada lako Daniel nakua: E Daniel, taunNa Puang Matua matontongan, iatu Kapenombanmu tu tontong mupengkaolai, Narampanan siarokoka dio mai singa?

DANIEL 6:6

Ma’kadami tu tau iato mai nakua: Tae’ bang bannangna takabu’tui la umpa’parampoanni tu Daniel, sangadinna ke diona kapengkaolan langngan Kapenombanna tanii unnappa’ bannangna la umpa’parampoanni.

MATIUS 21:37

Ma’katampakanna anakna muanemi nasua lako tinde tau, nakua: Tae’ natang ungkasiri’ siami te anakku.

EFESUS 5:33

Anna moi susito, sipatu tongankomi pantan la umpakaboro’ bainemi susi kamu umpakaboro’ kalemi; sia iatu baine la ungkasiri’ muanena.

IBRANI 12:9

Sia denmo tu ambe’ta diona rara buku unnada’ki’, sia takasiri’mo; tang mandu pato’riki’ka umpopengkaola kaleta lako Ambe’na mintu’ ma’rupa penaa iato, taurunganni tuo?

1 SAMUEL 20:41

Iatonna malemo tu pia iato, to’long lu lo’mi mai tu Daud, anna tukku rokko padang menomba pentallun; siudungmi sia sitangiran sola duai, naurunganni unni’duk-i’duk tumangi’ tu Daud.

1 SAMUEL 24:8

Tete dio kada iate nadampai Daud tu mintu’ taunna sia tae’ naeloranni tu tau iato mai la umpogau’ kadake lako Saul. Ke’de’mi tu Saul lan mai lo’ko’ iato, anna male.