1 DATU 1:29 - Sura' Madatu

²⁹ Umpalaomi sumpa tu datu nakua: La lelukraka tuoNa PUANG, tu ullendokan sunga’ku lan mai mintu’ kapussakan,

1 DATU 1:29 ပူးပေါင်းရင်းမြစ်များ

KADADIAN 48:16

iato Malaeka’ urrampananna’ dio mai sanda kadake Ia dukamora umpamasakkei sola duai tu pia, anna disa’bu’ tu sangangku dio te tau iate sia sanganna to doloku Abraham sola Ishak, sia anna memba’ka’ kalle-kallean te tau sola duai lan kuli’na padang!

2 SAMUEL 12:5

Lendu’mi re’dekna ara’na Daud lako tau iato, anna ma’kada lako Natan, nakua: La lelukraka tuoNa PUANG, iatu to mangka umpogau’i to, la mate dipatei.

2 SAMUEL 4:9

Apa mebali tu Daud lako Rekhab sia Baana, siulu’na, anakna Rimon, to Beerot, nakua: La lelukraka tuoNa PUANG, tu mangka urrampananna’ dio mai mintu’ kamaparrisan,

1 DATU 1:28

Ma’kadami tu datu Daud nakua: Tambaianna’ Batsyeba. Malemi tama umpennoloi datu, anna bendan dio olona.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 DATU 18:10

La lelukraka tuoNa PUANG, Kapenombammi, manassa tae’ tu misa’ bangsa sia kadatuan nasala nanii puangku ussua tau lako undaka’komi; ianna kuai tu tau iato mai, kumua: tae’ ia inde, nasuami tu bangsa sia kadatuan iato umpalao sumpa, kumua tae’ naappa’komi.

1 DATU 2:24

La lelukraka tuoNa PUANG, tu untokkona’ sia umpannisungna’ dao kapayunganna ambe’ku Daud, sia ungkamaseanna’ bati’ lan tongkonan layuk, susitu Naallu’, ke tae’i nadipatei bangsiamo tu Adonia allo iate.

2 DATU 4:30

Apa nakua tu indo’na pia iato: La lelukraka tuoNa PUANG sia tonganna susi tuomi, tae’ kula untampekomi. Ke’de’mi tu Elisa, namale unturu’i.

2 DATU 5:16

Apa nakua Elisa: La lelukraka tuoNa PUANG, tu kupengkaolai, inang tae’ kula unnalai. Moi nanaran-naran kumua anna alai, apa inang natampun.

2 DATU 5:20

ma’tangnga’mi tu Gehazi, taunna Elisa, taunNa Puang Matua: Nakatirinnai puangku tu Naaman, to Aram iate, natae’ naalai tu apa-apa nabaa! La lelukraka tuoNa PUANG, inang la ma’dondona’ unnula’i, angku alai tu apa dio mai kalena.

PA’PUDIAN 136:24

AnNa sabak ka’tuki’ lan mai lisu pala’na mintu’ ualinta, belanna iatu kamasokananNa tang tileluk sae lakona.

PA’PUDIAN 138:7

Iake lanna’ kamaparrisan, manassa Mirinding pala’na’; sia la Mie’te’ tu limamMi umbali kasengkeanna mintu’ ualingku, sia lima kananMi ullendokanna’.

PA’PUDIAN 72:14

Ia la ullendokan sunga’na tau iato mai dio mai kadipakario-rioan sia kadipandasan, sia iatu rarana tau iato mai kapua angga’na dio pentirona.

TO PARENGNGE’ 8:19

Ma’kadami tu Gideon nakua: Tau iato mai siulu’ku, sangindo’na’! La lelukraka tuoNa PUANG, iakemmi patuoi, manassa tae’ kupateikomi.

1 SAMUEL 14:39

Belanna la lelukrika tuona PUANG, tu urrampanan to Israel, moi anna bu’tu dio anakku Yonatan tu kasalan, inang la dipatei. Moi misa’ tu mintu’ to buda tae’ umpebalii.

1 SAMUEL 14:45

Apa mebali tu to buda lako Saul, nakua: Ma’dinraka la dipatei tu Yonatan, tu umpadenmo kapataloan kapua dio lu to Israel? Toyang mambela iato! La lelukrika tuoNa PUANG, anna la rondonra tu beluakna sanglamba’ dao mai ulunna rokko padang. Belanna diona pa’tunduanNa Puang Matua anna pogau’i tu mintu’ apa iato lan allo iate. Susimoto tu kanarampananna mintu’ tau tu Yonatan, naurunganni tae’ nadadi dipatei.

1 SAMUEL 19:6

Naperangiimi Saul tu kadanna Yonatan, anna umpalao sumpa, nakua: La lelukraka tuoNa PUANG, nala dipateira.

1 SAMUEL 20:21

La ussuanna’ pia muane angku kuai: Maleko undaka’i tu anak pana iato. Iangku pemandui ma’kada lako pia iato: Tiroi, mainde mai tu anak pana iato, alai!, melo ke saeko lako kaleku, belanna den sia kamarampasan lako kalemu, la lelukraka tuoNa PUANG, moi misa’ tae’ kadakena.