1 DATU 1:25 - Sura' Madatu

²⁵ Belanna allo iate malemo untunu sapi buda sia patuoan malompo sia domba anna tambai tu mintu’ anakna datu sia mintu’ pangulu rari sia to minaa Abyatar; marassanmo tu tau iato mai kumande sia mangiru’ dio olona, anna ma’kada nakua: Namaupa’mora tu datu Adonia.

1 DATU 1:25 ပူးပေါင်းရင်းမြစ်များ

2 SAMUEL 16:16

Iatonna saemo tu Husai, to Arki, sangmanena Daud mennolo lako Absalom, nakuami, lako: Na maupa’mora tu puangku! Na maupa’mora tu puangku!

1 DATU 1:19

Untunu sapi buda sia patuoan malompo sia domba anna tambai tu mintu’ anakna datu sia to minaa Abyatar sia Yoab, kamandang lompo, apa iatu Salomo, taummi, tae’ natambai.

1 DATU 1:24

Ma’kadami tu Natan nakua: O puangku datu, inangmikuaraka kumua: Adonia la ussondana’ mendadi datu sia ia la unnisungi kapayungangku?

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

1 DATU 1:39

Naalami to minaa Zadok tu tanduk nanii minna’ lan mai tenda, anna tokkoi tu Salomo; anna pannonii tau tu napiri tanduk, namintu’ to buda sipeoli-olian nakua: Namaupa’mora tu datu Salomo!

1 DATU 1:9

Untunumi domba sia sapi sia patuoan malompo tu Adonia dio to’ batu Zohelet, dio sa’dena to’ kalimbuang En-Rogel, anna tambai tu mai siulu’na, iamo tu mai anakna datu sia mintu’ to Yehuda, iamotu to diala parea dio datu.

1 DATU 2:15

Nakuami: Miissan duka, kumua iatu kadatuan inang taaku sia pada nasangamo tu mintu’ to Israel kumua akumo la datu, anna membali kataananna adingku, belanna PUANGmo umpapatui.

2 DATU 11:12

Nasolammi lako salian tu anakna muane datu, napasongko’i makota, sia naben Kasa’bian. Susimoto tu tau iato mai unnangka’ datu; natokko, anna massala’pa-la’pa tu tau iato mai sia metamba-tamba nakua: Na maupa’mora tu datu!

2 DATU 11:14

Natiromi tu datu bendanmo dio to’ lentong situru’ lalan ada’ sia mintu’ kamandang sitangke tarompe’ ma’dioren sola datu; sia mintu’ to buda lan lu tondok iato siparannu-rannuan na umpannoni tarompe’. Nase’buse’bumi Atalya tu tamangkalena sia metamba nakua: Denmo, pa’tangnga’ leko’, pa’tangnga’ leko’!

2 DATU 9:13

Madomi’mi pantan unnala sambu’na, naampa’imi tu lentekna dio to’ eran, napannonii tu napiri tanduk, anna metamba nakua: Yehumo tu datu.

1 OSSORANNA DATU 29:13

Totemo, o Kapenombangki, kipudi-pudiKomi, sia kipakala’bi’ tu sanga madatumMi.

1 OSSORANNA DATU 29:21

Masiang dio mai napemalarammi tau iato mai lako PUANG tu pemala’ pangrere’ sia napennoloan lako PUANG tu pemala’ ditunu pu’pu’, iamotu sangsa’bu sapi laki, sangsa’bu domba laki, sangsa’bu domba sola tu pemala’ pantedokna, sia pemala’ pangrere’ lendu’ budanna, anna pomeloi mintu’ to Israel.

2 OSSORANNA DATU 23:11

Nasolammi tau iato mai lako salian tu anakna muane datu, napasongko’i makota, nabenni Kasa’bian, sia naangka’ datu. Natokkomi Yoyada sola anakna muane, anna metamba nakua: Namaupa’mora tu datu.

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

MATIUS 22:4

Nasua pole’omi tu kaunan senga’na, nakua: Pokadanni tu to ditambai kumua: suka’-suka’i, kupasakka’mo tu pa’maruasangku, mangkamo kutunu tu mai tedongku sia patuoan maloppokku, sia sakka’ nasangmo; maimokomi umpellindoi te pa’maruasan rampanan kapa’.

LUKAS 19:38

nakua: Kurre sumanga’na tu Datu, sae umpotete sanganNa Puang; Kamarampasan dao suruga, Kamala’biran lan inan madona!

1 SAMUEL 10:24

Ma’kadami tu Samuel lako mintu’ tau, nakua: Mitiromoraka tu to Natonno’ PUANG, belanna moi misa’ tau tae’ padanna lan te mintu’ tau. Unnarrak-arrakmi tu mintu’ tau, nakua: La maupa’ tu datu!