Zude 1:24 - LAWA A BOO SONBORE

²⁴ Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

LAWA A BOO SONBORE 2011

²⁴ Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

Zude 1:24 ပူးပေါင်းရင်းမြစ်များ

Loen 21:6

N din a gɔ̀lɔ̀baa barka nɛ, á gugurubaa gole yɛ, n din nə ń siĩnbaa laanka golebaa kɔ la.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Lawa a wúlu-bɔlen 14:11

Lawa a wúlu-bɔle mɛn bɛ́ gɔ̀ bɔma-a ǹ landa lɛ zɛnɛɛ, bɛ gɔ̀ bɔ a din ganaa wole lɛ laanka a mànan lɛn koa Dɛnaa Lawa yɔrɔ-a, kɔn yɛ ǹ kion kɛa kiɛnlɛ-a.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 19:28

Yezu tɔ́n pɛ ǹ nɛ: – Masɛ n pii ka nɛ sonbore: Bɛ̀ Min a Nɛgiĩ giã a gugurubaa ǹ kii dankan la, kasɛn min fulupaa mɛn kɔ ma kio lɛ, ka dɔn tá re giɛ̃ kii dankanan la, ka kiri wɔ Izirayeli tɔrɔ fulupaa kɛ lɛ ganaa.

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 9:26

Bɛ lɛ nɛ, min mɛn bɛ́ sìi koe masɛ tɔ pɛ ganaa kanaa, a n sìi koe masɛ a boo kɛ lɛ dɔ a pɛ ganaa, Min a Nɛgiĩ bɛ́ re die ǹ mɛn pinaa, ma din laanka maa Díi a gugurubaa kɛ nɛ, kun ka lon a dia dí-a wole sonboren kɛn nɛ, ma dɔ á re sìi koe bɛa dɛnaa ganaa.

Rɔmu minin 14:4

Die n ka nsɛ nɛ, n tá kiri kuri min kɔsɔ a dí-nyali la? A dí sonbore nya laanka a dí baraa nya nɛ, ǹ kɔ́n ba n bǎã-n wa, ǹ tumaa na a goledɛnaa bǎã nɛ. A n die goɛ̃ dí sonbore nyɛɛ, a giala, pàã tá Dɛnaa lon a n dɔ lɛ, a ná a ba a baraa nyɛɛ wa.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Korɛnti2 11:2

Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.

Korɛnti2 4:14

A giala, ma á doɛ̃ taãnɛ, máa Lawa mɛn bɛ́ á Yezu yii kaa á bɔ geren li, máa bɛ á re masɛ dɔ yii kiɛ kun ka Yezu ni, ma wusoo ma yɛ kun ka ka nɛ, a din yɔrɔ-a.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Kolɔɔsi minin 1:22

Sɛnɛ kanna, a Nɛgiĩ a gɛ̀ ke, á wɔ ka minbuiin nɛ bɛ́ lɔn, bɛ barka nɛ, Lawa ka baa a din a giaáran lɛa, ka boo la ka soo a din yɔrɔ-a, ka a din a tɔrɔ minin bɛ́ lɔn, *gɔ̀ ná a ba ka ganaa wa, zɛ̀rɛ dɔ ná a ba ka ganaa wa.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Kolɔɔsi minin 3:4

Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Zaaki 2:10

Sonbore ne, bɛ̀ min mɛn Lawa a dí-pɛn kɛn goon din sɔɔ̃ ziziɛ̃, a zɛ̀rɛ n ka ǹ tumaa nɛ, haalɛ ta a ná a gialakunun kɛn tumaa tamaa.

Piɛrɛ1 4:13

Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Zude 1:21

Lawa bɛ́ ka narɛ ke, ka toa ka goã bɛ gɔ́ɔ̃ nɛ, ka n yii da, wɔa Dɛnaa Yezu Krita bɛ́ re die a bǐɛ̃baa gole kɛ gɔ́ɔ̃ nɛ, a n die nyin nyabaã koe ka la.

Sii-nyaan 14:5

Min kɔ́n nə ǹ yɛ soɛ boe haalɛ pinin goon wa, sɔ̀n baraa kɔ́n goã ǹ ganaa wa.