Zude 1:19 - LAWA A BOO SONBORE

¹⁹ Bɛa soɛ-bɔlen kɛn lɛn man toɛ̃-kɔn we minin bii. Ǹ dinin dùũ babaraa kɛ nə ǹ sii tumaa mìi la, Yiri Fu ba ǹ li wa.

LAWA A BOO SONBORE 2011

¹⁹ Bɛa soɛ-bɔlen kɛn lɛn man toɛ̃-kɔn we minin bii. Ǹ dinin dùũ babaraa kɛ nə ǹ sii tumaa mìi la, Yiri Fu ba ǹ li wa.

Zude 1:19 ပူးပေါင်းရင်းမြစ်များ

Suusun 18:1

Min mɛn bɛ́ giɛ̃ tìãlɛa ǹ miãn ganaa, a n giɛ a dinsɔɔ̃ a bǐɛ̃ kɔ li. A nə n piɛ̃ ka yiri kɔmala nɛ.

Izayii 65:5

Maǹ pii minin manɛ: «Ka nyan nə n mɔrɔ ma ganaa wa, ka nyan nə n gɔn da ma ganaa wa. A giala, man Dɛnaa Lawa a bɔ a koa wole lɛa.» Ka bɛ sii mɛn tumaa zɛnɛɛ, a n ma foo yui, a n ma kuĩ baraabaraa ka tɛ bɛ́ lɔn.

Ezekieli 14:7

Min woo min a n Izirayeli tɔrɔ lɛa, hinlaa a n gùli lɛa giã-n Izirayeli gána nɛ, bɛ̀ ǹ mɛn nə masɛ toa walan á toa dì sii kaka kɔ a foo ne, màn mɛn bɛ́ re diɛ sii baraa zɛnaa ganaa, bɛ̀ á n yii doa bɛ la, bɛ kio á wusoo á woo Lawa a boo gii-dali li mà asɛ n nɔ̀n diɛ la ka sii ni, masɛ din Dɛnaa Lawa n die a lɛ sii.

Ozee 4:14

Sɛnɛ, ma bie re dɔlɔ boe kaa nɛlɔn lɛn ganaa ǹ kɔrɔbaa kɛ taman yii wa, ma bie re dɔlɔ boe ka manaan lɛn ganaa ǹ naarɛbaa kɛ taman yii wa. Maǹ lɔ kɔrɔn kuĩ bɛ̀ ǹ wo ǹ ne tìãlɛa, lɔn mɛnɛn nə n dinin kɔ dìn kɔrɔbaa kɛ la, maǹ wúlu bɔ ǹ mànan bibii kun ka bɛn nɛ. «Minin man bɔ̀n biɛ doɛ̃baã taman yii.»

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Ebrəə 10:25

Min tɛnɛn lɛ mui ka wusu lɛsɔkɔn bǎã-n nɛ. Bɛ a siĩn wa. Ka daa wɔ n doa wɔ kɔn foo taã lɛsɔkɔn gɔ́ɔ̃ nɛ, sanparɛ ka yii bɛ́ Dɛnaa a lɛawaa lɛ ganaa dirii.

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.