Zozoe 10:41 - LAWA A BOO SONBORE

⁴¹ Zozoe saa Kadɛsi-Barneya kiwi ganaa, á ǹ dɛ miɛ̃ yǎa Gaazaa, Gosɛnɛ gána tumaa, a wo yǎa Gabawɔ̃ kiwi.

LAWA A BOO SONBORE 2011

⁴¹ Zozoe saa Kadɛsi-Barneya kiwi ganaa, á ǹ dɛ miɛ̃ yǎa Gaazaa, Gosɛnɛ gána tumaa, a wo yǎa Gabawɔ̃ kiwi.

Zozoe 10:41 ပူးပေါင်းရင်းမြစ်များ

Siin Giala 10:19

Kanaan gána nə́ n lɛ bɔ li ka bɛ nɛ, á saa Sidɔn kiwi ganaa dia-n woe Geraara la yǎa Gaazaa. Á saa Sodɔmu dɔ ganaa, ka Gomɔɔrɔ nɛ, Admaa laanka Seboyimu ni, yǎa Lesaa.

Kiin1 3:5

Gabawɔ̃ lɛ nɛ, Dɛnaa Lawa nə́ n din nyaa Salomɔn nɛ ka narɛɛ nɛ tèlò-n. Lawa pɛ nɛ: «Ma n giɛ li ma wàa n màn kɔ n la?»

Zakarii 9:5

Bɛ̀ ǹ nə́ bɛ yɛ, nyɛ́ɛ á re Asikalɔn kiwi kuĩ, Gaazaa gɔ̀nɔn tá re bìn diɛ nyɛ́ɛ gɔn. Foo doa ǹ bǎã ba Ekrɔn la wa, kii ba re yii Gaazaa doo wa, min ba re goɛ̃ Asikalɔn kiwi-n wa.

Minin nimi 13:26

Ǹ nə́ daa Muizu yaa, ka Aarɔn laanka Izirayeli a zaman lɛ tumaa nɛ, Paran diə gole ne, Kadɛsi. Ǹ yii sii mɛn yɛ, ǹ nə́ bɔ ka bɛa boo ne ǹ nə́ pɛ ǹ tumaa nɛ, ǹ nə́ gána lɛ a da nɛn dɔn nyaa ǹ nɛ.

Minin nimi 32:8

Ka digolon dɔn man nə́ goã ǹ nə́ bɛa sã kɛ lɛ tɔrɔ wɔ, bɛ̀ masɛ bɛ́ má n toa Kadɛsi-Barneya má ǹ dia máa ǹ wo ga Kanaan gána lɛ ganaa.

Minin nimi 34:4

a kiɛ̃ a n pusu a bɔ tonən kele kɛa gusin a lɛ̀gɔn la, a kiɛ̃ a bɔ Sini, a wo bɔ Kadɛsi-Barneya a gusin a lɛ̀gɔn la, a wusoo a wo Hasara-Adaara li, a kiɛ̃ a bɔ Asimɔn.

Nya ǹ dín 8:26

Dɛnaa a lon a dia dí-a wole boo da ka Filipi ni: «Zii saa n wo Ezipti gána paǹ li, zii mɛn bɛ́ boe Zeruzalɛmu á woe Gaazaa kiwi, minin nə́ ǹ ba koe lɛ wa, wo bɛ saa.»

Timəə dí-pɛn 1:19

Bɛ kio, wɔ́ kiɛ̃ wɔ́ n bɔ Horɛbu kele li, ka wɔa Lawa, Dɛnaa Lawa lɛ goã á pɛ á laa wɔ-a lɔn. Wɔ don gangabiɛ mɛn yɛ a sii n nyɛ́ɛ diɛ, wɔ́ bɛ lɛ wɔsɔ kɔn, wɔ́ Amɔɔrɔ tɔrɔn kele yii zii kɛ saa, wɔ́ daa yǎa Kadɛsi-Barneya.

Timəə dí-pɛn 2:23

Avii tɔrɔn kɛn sɛn mɛnɛn nə goã Gaazaa gána nɛ, Kafutɔɔrɔ minin man nə́ goã ǹ nə́ bɛn dɛ, ǹ nə́ giã ǹ bǎã nɛ.

Timəə dí-pɛn 9:23

Ka bɛ́ Kadɛsi-Barneya, Dɛnaa Lawa bɛ́ á ka dia á pɛ ka nɛ mà asɛ bɛ́ gána mɛn lɛ koe ka la, mà ka woo, ka si ka baa kaa wɔ lɛa, ká n piã ka kaa Lawa, Dɛnaa Lawa lɛ a boo ne, ka waa la wa, ka n too kɔ a lon wa.

Zozoe 10:12

Dɛnaa Lawa bɛ́ á Amɔɔrɔ tɔrɔn lɛn wɔ Izirayeli minin lɛn gɔn ǹ mɛn pinaa, Zozoe boo da Dɛnaa Lawa nɛ, á pɛ Izirayeli minin lɛn yɔrɔ-a: «Wasa, golee Gabawɔ̃ lalan, nsɛ mui dɔ, golee Ayalɔn a nyankɔrɔ basa kɛ lalan!»

Zozoe 10:2

Bɛ lɛ na á nyɛ́ɛ gole da Zeruzalɛmu minin lɛn ganaa. A giala, Gabawɔ̃ na á goã kiwi gole lɛa, goon ka kiin giã ǹ kiwin kɛn nɛ. Á goã gole á la Ayii kiwi ni. A giĩn tumaa na á goã zia-baali foo taãnaan lɛa.

Zozoe 11:16

Zozoe bɛa gána lɛ tumaa kũ: Kele yii bǎã kɛ nɛ, gusin a lɛ̀gɔn la kɛ tumaa nɛ, Gosɛnɛ gána tumaa, diə bǎã kɛ nɛ ka Zurdɛ̃ a nyankɔrɔ basa kɛ nɛ, Izirayeli a kele yii kɛ laanka a diə bǎã nɛ.

Zozoe 11:22

Anaaki tɔrɔ goã Izirayeli gána-n doo wa, yǎa Gaazaa kiwi ka Gaati laanka Asidɔdi kiwi ni.

Zozoe 15:51

Gosɛnɛ, Holɔn, Giiloo. Bɛn man kiwi dadara fulugoon ka ǹ kiwi bisinin ni.

Sii yɔrɔ-bɔlen 16:1

Sansɔn woo Gaazaa kiwi, á lɔ kɔrɔ kɔn yɛ walan, á woo ǹ dɔ li.

Sii yɔrɔ-bɔlen 16:21

Filisiti minin lɛn nə́ kũ, ǹ ná a yii nànan pupuru. Bɛ kio, ǹ nə́ woo ne Gaazaa kiwi, ǹ nə́ yii ka fɔlɔ biɛ nàn paa nɛ, ǹ nə́ da màn lɔ ganaa gii la, kòso nɛn kion.

Samayeli1 6:17

Filisiti minin lɛn nə wúlu mànan mɛnɛn kɔ Dɛnaa Lawa la, ǹ sii baraa sawaa ǹ wɔn lɛa bɛn nə́ ke: Asidɔdi kiwi wɔ n goon, Gaazaa kiwi wɔ n goon Asikalɔn wɔ n goon, Gaati wɔ n goon, Ekrɔn wɔ n goon.