Zowɛli 3:2 - LAWA A BOO SONBORE

² Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

LAWA A BOO SONBORE 2011

² Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Zowɛli 3:2 ပူးပေါင်းရင်းမြစ်များ

KZS2 20:26

A lɛawaa siibaa ǹ wɔ pinaa, ǹ nə́ n sɔkɔn Beraka nyankɔrɔ lɛ kɛ nɛ, ǹ nə́ barka da Dɛnaa Lawa nɛ. Bɛ lɛ nɛ, a da kaa pelo lɛ, bɛa nyankɔrɔ lɛ tɔ n "Beraka" bɛ giala mà barka.

Izayii 66:16

Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 25:31

A bɛ́ bìn diɛ mɛn we, bɛ n doe kanaa lɛdan ganaa. Dɛnaa Lawa n kiri we tɔrɔn ganaa. A n minbuiin nɛ tumaa bíi we kiri wɔ ǹ bǎã nɛ. Min baraan kɛn, bɛn man die gɔya sa gɛ̀ we. Dɛnaa Lawa a da ǹ boo ne.

Zeremii 49:1

Amɔn tɔrɔn wɔ paǹ li: Dɛnaa Lawa n kɛ pii: «A na á saa lɔn, Amɔn tɔrɔn kii Gaadi gána si á baa a wɔ lɛa? Ǹ zaman nə́ Izirayeli kiwin si ǹ nə́ n kɔ lɛ. Bɛ giala mà wàa kəni? Izirayeli minin nɛnyaanan ma nə ǹ banban ǹ nə́ boe la ǹ bɛa kiwin lɛn baa ǹ kíɛ̃ lɛa wa?»

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Ezekieli 25:8

Masɛ Dɛnaa Lawa gole a da ǹ boo á ke: Moabu minin laanka Seyiiri minin man pii: «Zudaa minin dɔn nə́ ke, ǹ nə́ n baa ka tɔrɔ kɔsɔn kɛn tumaa bɛ́ lɔn.»

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Ezekieli 35:10

Kaa da ǹ boo á ke: «Gána màn paa kɛ lɛ laanka ǹ minin tá re wɔa wɔ biɛ, wɔ á re ǹ sii, wɔ ǹ baa wɔa wɔ lɛa.» A da yaa, masɛ Dɛnaa Lawa dɔ n bǎã lɛ-n walan.

Ezekieli 36:1

Minbuiin a nɛ, maa boo kɛ da Izirayeli a kelen kɛn ganaa, mà ǹ nə n too kɔ masɛ Dɛnaa Lawa a boo li.

Ezekieli 36:5

Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa.

Ezekieli 38:22

Ma á re piɛ̃ busu laanka zia biɛ dɔlɔ lɛa ma da ka mìi ni, bɛ minin dɛdɛ. N laanka n sɔraasin kɛn nɛ ka zaman kɔsɔn kɛ nɛ, ma á re la gole kiɛ ka la ka gii ni, kiribi tɛdɛnaa ń kun ni.

Ezekieli 39:11

«Bɛa biikoo li kəni, ma á re bǎã boe ma koa Gɔgu a bĩ ǹ bǎã lɛa, ǹ die ǹ na a yala fɔ̃ walan Izirayeli gána nɛ, kiɛ̃ wolen nyankɔrɔ basa kɛ nɛ, yìsi mu gole kɛ a lɛ̀giala gɔn la. A bĩ ǹ bǎã lɛ á re kiɛ̃ wolen kurii kiɛ̃ ganaa. Ǹ tá re Gɔgu laanka a sɔraasin tumaa biĩ walan, ǹ bɛa bǎã lɛ bii mà "Gɔgu a zaman a nyankɔrɔ basa".

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 4:12

Sɛnɛ, ǹ ba Dɛnaa Lawa a taasiɛ doɛ̃ wa. A bɛ́ li a sii mɛn zɛnaa, ǹ yiri a doe bɛ gɔ́ɔ̃-n wa: a na á gánan lɛn sɔkɔn, ka ǹ bɛ́ *belee soekɔn lɔn a duwəə ǹ bǎã nɛ.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Sii-nyaan 11:18

Tɔrɔn foo yoo, sɛnɛ, n din a foo-yoo na á daa. Sisia, n geren kiri-wɔ biikoo na á dɔ, n dí-nyalin saraa biikoo dɔ na á dɔ, ǹ mɛnɛn bɛ́ n boo gii-dalin lɛa ka ǹ mɛnɛn tumaa bɛ́ n din wɔn lɛa, ǹ nə́ nyɛ́ɛ biɛ n nɛ, ta a boɛɛn nɛ, ta a gole ne. Min mɛnɛn dɔn bɛ́ ǹ nə́ goã tán-ziziɛ̃lin lɛa, ǹ dɔn ziziɛ̃ biikoo na á dɔ!»

Sii-nyaan 16:14

*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.

Sii-nyaan 16:16

Nɔ̀ɔn baraa sɔɔ lɛ kiin tumaa lɛ sɔkɔn bǎã goon ne, ǹ nə́ bíi ka *Ebrəə bɔlɔ nɛ, mà "Harmagedɔn".

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»

Sii-nyaan 20:8

Á re woe minin yiri siɛ̃ kanaa gùrù sii din tumaa nɛ, Gɔgə ne ka Magɔgə ne. Á re ǹ lɛ soekɔn ziabaa yii li, ǹ tá re mɔnɛɛ ka yìsi mu lɛkoro lɛ-a ǹ nyɔɔsɔ̃ bɛ́ lɔn.