Zowɛli 2:1 - LAWA A BOO SONBORE

¹ Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

LAWA A BOO SONBORE 2011

¹ Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:1 ပူးပေါင်းရင်းမြစ်များ

KZS1 15:28

Izirayeli din tumaa n woe ka Dɛnaa Lawa a lɛ kɔ kɔn la ǹ goo lɛ nɛ, gɔn dɛ wuu li, bɛnɛn wuu ni, gɔn pere dɛ ǹ mànan nɛ tùtun ni, kɔnkoɛ̃ɛnɛn nɛ.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 87:1

Koore a minin loe goon ne. LOE. Dɛnaa Lawa na á *Siɔn kiwi giala wɔ kele sonboren la.

Bɔ bɛ̀rɛbaa nɛ 10:14

Bisinin lɛn nə́ yoo ǹ nə́ kɔ gána lɛ paǹ tumaa lɛ, ǹ nə́ mɛ bǎã tumaa nɛ. Bɛa bisinin kɛn lɛn mɔnaabaa miã tɔrɔ tɔn yɛ bɛ nyɛɛn wa, a re yii a kio dɔn wa.

Izayii 13:6

Ka gɛ̀ koa ǹ loe lɔ! A giala, Dɛnaa Lawa a lɛawaa gole kɛ dɔ á nya. Ka koe bɛ́ lɔn, a n màn tumaa ziziɛ̃, Pàãyiidɛnaa na á dia.

Izayii 13:9

Dɛnaa Lawa a lɛawaa á ke die, bɛa pinaa, makara-doɛ̃ banban. Foo-yoo gole lɛawaa nɛ. A n die gána lɛ biɛ kɛbɔlɔ lɛa, á re zɛ̀rɛdɛnan bɔ̀n biɛ.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 16:10

Bɛ̀ n boon kɛn tumaa da zaman lɛ nɛ ǹ mɛn waáraa, kɔntan min tá re nɔ̀n diɛ n la a pɛ: «Wàa na á baa Dɛnaa Lawa koe kɛ miã da wɔ mìi ni? Wɔ n wɔ sii baraa zɛnaa? Wɔa sã n ka wàa nɛ Dɛnaa Lawa, wɔa Lawa ganaa?»

Zeremii 16:7

Min kɔn ba re woe màn-bii koe gɛ̀dɛnan la màn mɛn bɛ́ toɛ ǹ nə ǹ foo basã wa. Min kɔn ba re ǹ foo wɛɛ ǹ din hinlaa ǹ daanan gɛ̀ taman yii wa.»

Zeremii 4:5

Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Ezekieli 12:23

A pɛ ǹ nɛ, mà masɛ Dɛnaa Lawa n kɛ pii: «Man die zɛnɛɛ ǹ nyan bɛa suusu kɛ boo da Izirayeli gána-n doo wa. Sɛnɛ, a pɛ ǹ nɛ mà siinyaa lɛ tumaa a zɛnaa ǹ lɛawaan nə́ diri.

Ezekieli 21:12

Bɛ̀ ǹ nə́ nɔ̀n da n la mà wàa na á baa n tá gini, a pɛ ǹ nɛ, mà n boo mɛn ma, mà bɛ lɛ a lɛa nɛ. Min tumaa foo á re biɛ niɛ̃, min tumaa pàã á re nyɛɛ, min tumaa gɔ́ɔ̃ á re n lɔlɛkɔn, min tumaa gù á re giɛ̃. Á ke, bɛa sii lɛ á die, á dɔ á nya dinin. Ma din Dɛnaa Lawa a da ǹ boo ne.

Ezekieli 30:3

A giala, lɛawaa lɛ diri, Dɛnaa a lɛawaa lɛ diri. A n die labara lɛawaa biɛ, a n die tɔrɔn sii yɔrɔ bɔ pinaa biɛ.

Ezekieli 33:3

Bɛ̀ bɛa giĩ lɛ zia yɛ die gána lɛ gialaa, a n bɛn pii, a n gɔn waa zaman nɛ.

Ezekieli 33:6

Sɛnɛ, bɛ̀ wɔlɔ-lɛduə̃li lɛ zɔ́ɔn yɛ die ka zia nɛ, bɛ̀ a bɛn pɛ á n gɔn waa minin man wa, bɛ̀ zia lɛ daa yǎa a min mɛn dɛ, man die a gɛ̀ lɛ a sii diɛ wɔlɔ-lɛduəli lɛ din mìi ni.»

Ezekieli 7:10

Kiri wɔ lɛawaa á ke die, á ke á dɔ á nya. Á dɔ. Màn nə miɛ̃ kakaarɛbaa li, din gole kɔ n pàã yii.

Ezekieli 7:12

A pinaa á die, bɛa sàabiɛ wa. Màn-piili baran n nyɛnyɛɛ wa, a sãli dɔ baran n yɔrɔ kɔsɛ wa. A giala, ma foo n yoo-n gána lɛ a minin tumaa li.

Ozee 5:8

Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Zowɛli 2:15

Ka bɛn pɛ Zeruzalɛmu kiwi, ka lɛ-sɔɔ ǹ lɛawaa bɔ ka koa, ka zaman bii a tɔ-a.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Amɔɔsi 5:18

Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Sofonii 1:14

Dɛnaa a lɛawaa gole lɛ diri. Á diri ka foɛɛ̃. Bɛa pinaa kɛ lɛ nɛ, lɛ dɛ gole á re boe, footaãnaa din tá re gú diɛ.

Sofonii 1:16

Bɛn wuu lɛawaa nɛ ka zia lɛ-dɛ nɛ, kiwi dadaraan kɛn ganaa, tamaa nɛ, kungɔn sɔsɔrɔn nə́ ǹ lɛnpɛnɛ.

Sofonii 1:7

Ka n lɛ tã Dɛnaa Lawa yɔrɔ-a! A giala, a lɛawaa lɛ diri. Dɛnaa Lawa n die wúlu boe, a tiin yɔrɔ bɔ maa nɛ.

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Zakarii 14:1

Á ke, Dɛnaa Lawa a lɛawaa diri. Zeruzalɛmu minin lɛn, ǹ tá re die kaa naforo gii kɔn ka yii giulun.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Minin nimi 10:2

«Bɛn màn paa zɛnaa. Wɔrɔ dɛ n nə ǹ zɛnaa nɛ. Bɛa bɛnɛn kɛn lɛn manɛ, ka tá re zaman lɛ soekɔn nɛ, ka gòon dɔ yiɛ minin ganaa nɛ, bɛ̀ ka tá re yui n boe giã ǹ bǎãn nɛ biikoo mɛn li.

Minin nimi 10:3

Bɛ̀ ǹ nə́ bɛa bɛnɛn lɛn pɛ kun, zaman lɛ tumaa die ǹ da n sɔkɔn n din Muizu genli, kɔn yɛ ka Lawa nɛ ǹ kion kɛa kiɛnlɛ-a.

Korɛnti1 14:8

Bɛ̀ ziabaa ǹ bɛn-pɛle ba a bɛn pii doɛ̃ foaãnɛ wa, die n die n yɔrɔ boe a wo zia la?

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Tesaloniki1 5:2

Ka dininmaan tá doɛ̃ parsiini. Dɛnaa a daa pinaa lɛ n die wɔ tɔwɛɛ, ka wurumu bɛ́ die min tɔwɛɛ tèlò-n lɔn.

Zaaki 5:8

Ka dɔn nə si ka ganaa miɛ̃, ka n foo kũ, a giala, Dɛnaa a daa diri.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Sii-nyaan 6:17

A giala, ǹ minbuiinin zɛnaa ǹ sii yɔrɔ bɔ ǹ lɛawaa gole kɛ na á dɔ. Die n boe la a golee ǹ nyɛɛnɛ?»