Zowɛli 1:13 - LAWA A BOO SONBORE

¹³ Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

LAWA A BOO SONBORE 2011

¹³ Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:13 ပူးပေါင်းရင်းမြစ်များ

Samayeli2 12:16

Davida gòã-kũ da Lawa ganaa, nɛ boɛɛn lɛ a lɛa. Davida ná a giala kɔ á goã n lɛ soɛ. Bɛ̀ á wɔ kion tèlò-n mà a n wɛɛ tán, a na á goã wɛɛ tán furu-n.

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 61:6

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Ezekieli 21:12

Bɛ̀ ǹ nə́ nɔ̀n da n la mà wàa na á baa n tá gini, a pɛ ǹ nɛ, mà n boo mɛn ma, mà bɛ lɛ a lɛa nɛ. Min tumaa foo á re biɛ niɛ̃, min tumaa pàã á re nyɛɛ, min tumaa gɔ́ɔ̃ á re n lɔlɛkɔn, min tumaa gù á re giɛ̃. Á ke, bɛa sii lɛ á die, á dɔ á nya dinin. Ma din Dɛnaa Lawa a da ǹ boo ne.

Ezekieli 27:31

Maǹ nə n mìi koɛ̃ n din a lɛa, maǹ gɛ̀ koa ǹ mɔnaan we n din a lɛa, ǹ foo ziziɛ̃maa nɛ. Maǹ wuu pii n din a lɛa, maǹ nə n duduwii n din a lɛa.

Ezekieli 7:18

Ǹ tá re gɛ̀ koa ǹ mɔnaan we, ǹ nə ǹ tumaa mìi kɔɔ̃. Gɔ̀nɔn bìn diɛ á re ǹ kuĩ, sìi nə́ ǹ tumaa ganaa.

Ozee 9:5

Kɔn-yɛ gole kɛa pinaa, Dɛnaa Lawa a zɔ́n kɛa pinaa, ka ǹ die wàa zɛnɛɛ?

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Zowɛli 2:14

Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Minin nimi 28:14

Ǹ Lawa gɔ ǹ duvɛ̃ litiri sɔɔ da kun ka dii gɔ̀lɔ̀ lɛ gogoonmaa nɛ, a litiri paa nə n da kun ka sère gɔ̀lɔ̀ kɛ nɛ, a litiri goon ka talɛɛ nə n da kun ka sère nɛ lɛ a gogoonmaa nɛ. Ǹ bɛ́ re wúlu mànan mɛnɛn boe lɛ̀ a mui gogoonmaa a giala kɔ li, bɛn man ke.

Minin nimi 28:4

Sère nɛ bibinaa ke, ǹ bɛ dɛ baayɛlɛ, a paabaa ǹ wɔ ke, ǹ bɛ dɛ wasamiɛ̃nɛ.

Minin nimi 28:7

Ǹ doamaa nɛ ǹ duvɛ̃ litiri goon ka talɛɛ ti baayɛlɛ sère nɛ lɛ ganaa, ǹ bɛa wúlu bɔ ǹ duvɛ̃ kakaarɛ kɛ lɛ kɔ Dɛnaa Lawa la bǎã sonbore kɛ nɛ.

Minin nimi 29:6

Bɛa wúlu mànan kɛn lɛn tumaa n die kiɛ baraabaraa a wúlu màn tiɛ̃ kɛ li, ka mui dii a wúlu màn tiɛ̃ kɛ nɛ, kɔnlɛ ka Lawa gɔ ǹ wùsu kɛ laanka Lawa gɔ ǹ duvɛ̃ kɛ nɛ, bɛ̀ ka goã bɛ̀ ka ti ǹ ganaa. Bɛn man wúlu màn-bii tiɛ̃ lɛa, ǹ gìĩ ń kɔɔ̃n Dɛnaa Lawa ganaa.

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»