Zonaasi 4:2 - LAWA A BOO SONBORE

² a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

LAWA A BOO SONBORE 2011

² a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Zonaasi 4:2 ပူးပေါင်းရင်းမြစ်များ

Kiin1 19:4

Yilii dinmaa lɛ sɛ pinin goon tɔ wɔ diə gole ne. Á giã tán da goon giulun, á nɔ̀n da gɛ̀ li bɛ̀ á n pii: «Sii lɛ ma gɔ̀nɔn bɔ kanna. Dɛnaa Lawa, masɛ nyín si ma la, a giala, ma ba soɛ ma digolon man wa.»

Loen 103:8

Dɛnaa Lawa tá min makara doɛ̃, a nə n yiri koɛ wɔ li, a foo a yui fufuu wa, kɔn-narɛɛ ná a foo pã.

Loen 145:8

Dɛnaa Lawa din nə Lawa bǐɛ̃ lɛa, a tá min makara doɛ̃. A foo a yui fufuu wa, kɔn-narɛɛ ná a foo pã.

Loen 78:38

Sɛnɛ, Lawa n makara doɛ̃ wole lɛa, a ǹ dɛ wa, a na á goã ǹ sãn toɛ ǹ nɛ. Biikoo gigiã, a n kirii a din foo la, a toa a foo yoo á la yii-n wa.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Loen 90:13

Dɛnaa Lawa, sabara baa n si n ganaa! N foo n die basɛ̃ biĩ? N din a dí-nyalin man wɔsɛn nɛ, bǐɛ̃ kɔ, n nə n yɔrɔ bǐɛ̃ da wɔ la.

Bɔ bɛ̀rɛbaa nɛ 32:14

Dɛnaa bɛ́ á goã mà a n die baraa mɛn zɛnɛɛ a din a zaman kɛ nɛ, á wusoo bɛ kio.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 20:7

Dɛnaa Lawa, ń ma sã, má toa ń ma sã. N pàã zɛnaa ma nɛ, ń boo ma la. Lɛawaa tumaa gɔ́ɔ̃ nɛ, minin man yaa we ma ganaa, min tumaa n ma foo siɛ.

Zeremii 26:13

Kanna kəni, ka kaa giã ǹ gɔn laanka kaa zɛnaa ǹ sii bɔyaa, ka n too kɔ Dɛnaa Lawa, kaa Lawa a bíi wɔ li. Ka bɛ-n kəni, á re a taasiɛn bɔyɛɛ, a koe mɛn boo da, á re bɛ lɛ goɛ a bɔ ka la.

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Amɔɔsi 7:3

Dɛnaa Lawa tɔ́n sii lɛ a zɛnaa lɛ da, á pɛ mà bɛa re n zɛnɛɛ doo wa.

Amɔɔsi 7:6

Dɛnaa Lawa tɔ́n sii lɛ a zɛnaa lɛ da. Á pɛ mà bɛa re n zɛnɛɛ doo wa.

Zonaasi 1:3

Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

Zonaasi 3:10

Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Zonaasi 3:9

Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Luku 10:29

Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?

Timəə dí-pɛn 4:31

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.