Zonaasi 3:6 - LAWA A BOO SONBORE

⁶ Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

LAWA A BOO SONBORE 2011

⁶ Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

Zonaasi 3:6 ပူးပေါင်းရင်းမြစ်များ

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Izayii 15:3

Ziin la, gɛ̀ koa ǹ mɔnaan man minin ganaa. Banbaranan la ka zaman bǎãn nɛ, maǹ gɛ̀ loe loe, min tumaa n wuu pii.

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 36:13

Mikaa boo mɛn tumaa ma bɛ̀ Baruku bɛ́ sɛ́wɔ munii lɛ pii ka lɛn gole ne zaman tumaa yɔrɔ-a, á kɔ bɛn lɛ á pɛ ǹ nɛ.

Zeremii 36:24

Sɛnɛ, kii laanka a gána nyɛɛnaandɛnan nə́ boo lɛ tumaa giala ma. Sɛnɛ a nyɛ́ɛ goon din da ǹ ganaa wa, ǹ foo ziziɛ̃ boɛɛn dinin wa.

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Busii pɛ 3:29

A kaa tán a lɛ la gusuũ li! Kɔntan, foo doa ma-a tɔn yii!

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Misee 1:10

Ka nyan toa Gaati minin nə kɛ ma wa, ka nyan kɛ din a wuu pɛ wa. Bɛti-Lefra minin lɛn, ka n birikəə̃ tán tii li, ka koe na á ka yɛ.

Matiə 11:21

«Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Luku 10:13

«Kasɛn Koraazɛn minin kɛn, bɔ̀n nə kaa wɔ lɛa. Kasɛn Bɛtsayidaa minin kɛn, bɔ̀n nə kaa wɔ lɛa. A giala kaãbaa ǹ sii gigiã nə́ n zɛnaa kaa kiwi. Bɛ̀ bɛn man nə́ n zɛnaa Tiiri laanka Sidɔn kiwi babaraan kɛn nɛ, bɛ̀ bɛn minin nə́ wusoo ǹ sii baraan kio haalɛ bibi, ǹ nə́ boroo wɔ, ǹ nə́ ton kaa ǹ dinin-a, ǹ nə́ ǹ yɔrɔ-kɔsiɛ nyaa.