Zonaasi 3:4 - LAWA A BOO SONBORE

⁴ Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

LAWA A BOO SONBORE 2011

⁴ Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

Zonaasi 3:4 ပူးပေါင်းရင်းမြစ်များ

Kiin2 20:1

Bɛa biikoo lɛ li, busu kɔn Ezekiasi kũ, á woo dɔ gɛ̀ gɔn la. Amɔsi a nɛgiĩ Izayii lɛ Lawa a boo gii-dali lɛa, bɛ daa yaa, á pɛ nɛ: – Dɛnaa Lawa n kɛ pii: «N gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

Kiin2 20:6

Man lɛ̀ fulusooro kiɛ n lɛ̀ li. Man die n sii Asiirii gána a kii lɛ la ma n da, kɔnlɛ ka kiwi kɛ lɛ nɛ. Man die kiwi kɛ lɛ tamɛɛ ma din taman yii, ka maa dí-nyali Davida nɛ.»

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Zonaasi 3:10

Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Matiə 12:41

Kiri kurii pinaa, Ninivu kiwi minin kɛn tá re yui ǹ golee kɔn yɔrɔ-a ka pelo minin kɛn nɛ, ǹ zɛnaa ǹ sii á re pelo minin kɛn biɛ koe, a giala Zonaasi bɛ́ á woo Boo Tii Kɔɔ̃n pɛ Ninivu, a minin nə́ n taasɛ ǹ nə́ wusoo ǹ sii baraan kio. Màn tá kànaa á gole á la Zonaasi-n dɛ!

Luku 11:30

Zonaasi na á goã Lawa a sii-nyaa lɛa Ninivu minin gɔn, a na á daa ǹ li ka min bɛ́ a yii kaa, á n bɔ geren bii lɔn, bɛa yɔrɔ kɛ lɛ la, Min a Nɛgiĩ dɔ n die Lawa a sii-nyaa goon biɛ pelo minin kɛn gɔn.

Luku 11:32

Kiri-kurii pinaa, Ninivu kiwi minin tá re yui, kun ka pelo minin kɛn nɛ, ǹ ka zɛ̀rɛ baa. A giala, Ninivu minin lɛn bɛ́ ǹ nə́ Zonaasi a lɛ-dia lɛ ma, ǹ nə́ wusoo ǹ sii baraan kio, ǹ nə́ ǹ tɔ wɔ ǹ gɔn bɔyaa. Á ke! Min tá kànaa á n gole Zonaasi ni.»

Timəə dí-pɛn 18:22

Boo gii-dali lɛ boo mɛn da ka Dɛnaa Lawa tɔ nɛ, bɛ̀ a sii nə n zɛnaa wa, ka dɔ̃ mà Dɛnaa Lawa bie á bɛa boo lɛ da wa. Boo gii-dali lɛ na á n saa din gole kɔ li á da. Ka nyan nyɛ́ɛ baa-n wa.