Zonaasi 3:10 - LAWA A BOO SONBORE

¹⁰ Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

LAWA A BOO SONBORE 2011

¹⁰ Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Zonaasi 3:10 ပူးပေါင်းရင်းမြစ်များ

KZS1 21:15

Lawa lon a dia dí-a wole goon dia Zeruzalɛmu yui. A bɛ́ a gialaa yui ǹ mɛn waáraa, Dɛnaa Lawa ga, koe kɛ ná a foo ziziɛ̃ á la yii ni, á pɛ lon a dia dia wole Zeruzalɛmu-yuli lɛ nɛ: «Á tɛ kɔ! N gɔn susu kanna» A da yaa bɛ̀ Dɛnaa Lawa lon a dia dí-a wole lɛ-n golee ne Ornan a *belee duwəə ǹ bǎã li, ke Zebuzu tɔrɔn lɛa.

Bɔ bɛ̀rɛbaa nɛ 32:14

Dɛnaa bɛ́ á goã mà a n die baraa mɛn zɛnɛɛ a din a zaman kɛ nɛ, á wusoo bɛ kio.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Zeremii 18:7

Biikoo tɛn li, má màn woɛ̃ laanka a yɔyɔrɛɛ ka a ziziɛ̃ boo da tɔrɔ kɔn hinlaa gána kɔn a paǹ li.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 36:3

Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Amɔɔsi 7:3

Dɛnaa Lawa tɔ́n sii lɛ a zɛnaa lɛ da, á pɛ mà bɛa re n zɛnɛɛ doo wa.

Amɔɔsi 7:6

Dɛnaa Lawa tɔ́n sii lɛ a zɛnaa lɛ da. Á pɛ mà bɛa re n zɛnɛɛ doo wa.

Zonaasi 4:11

Sanparɛ Ninivu kiwi gole ke, masɛ á re makara boe bɛ ganaa wa! A giala, min duu paabiɛ ka fuə (120 000) tá yii a nɛ, min mɛnɛn nə́ ke ǹ nə́ ǹ ba ǹ gusin laanka ǹ gɔsɛ a bɔkɔnlɛ doɛ̃ wa. Tɔɔ damata dɔ tá a nɛ.»

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Luku 11:32

Kiri-kurii pinaa, Ninivu kiwi minin tá re yui, kun ka pelo minin kɛn nɛ, ǹ ka zɛ̀rɛ baa. A giala, Ninivu minin lɛn bɛ́ ǹ nə́ Zonaasi a lɛ-dia lɛ ma, ǹ nə́ wusoo ǹ sii baraan kio, ǹ nə́ ǹ tɔ wɔ ǹ gɔn bɔyaa. Á ke! Min tá kànaa á n gole Zonaasi ni.»

Luku 15:20

Bɛ kio, á yoo á wusoo á woo ǹ di a piɛ. A bɛ́ tiãlɛa, ǹ di yɛ, a makara kũ. Á baa si á woo nɛ lɛ kũ, á n sɔɔ a nɛ.