Zonaasi 2:2 - LAWA A BOO SONBORE

² Zonaasi nə́ n toa zɔ̀ lɛ gɔ́ɔ̃ nɛ, á Dɛnaa Lawa, a Lawa lɛ nyankɔ,

LAWA A BOO SONBORE 2011

² Zonaasi nə́ n toa zɔ̀ lɛ gɔ́ɔ̃ nɛ, á Dɛnaa Lawa, a Lawa lɛ nyankɔ,

Zonaasi 2:2 ပူးပေါင်းရင်းမြစ်များ

KZS2 33:12

A koe lɛ gɔ́ɔ̃ nɛ, Manaasee Dɛnaa Lawa, a Lawa nyankɔ. Á n din boɛɛn kɔ ǹ digolon Lawa yɔrɔ-a parsiini,

Loen 116:3

Gɛ̀ ná a biɛn pɛnɛ ma nɛ, gɛ̀ a zɔ̀ɔ ma kũ. Ma fuu yɛ, ma là-paparɛɛ yɛ.

Loen 120:1

Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Loen 22:24

Kasɛn mɛnɛn bɛ́ nyɛ́ɛ biɛ Dɛnaa Lawa nɛ, ka a tɔ bɔ! Kasɛn, Zakɔba tɔrɔn tumaa, ka a guguru kɔ! Kasɛn, Izirayeli tɔrɔn tumaa, ka nyɛ́ɛ baa nɛ!

Loen 34:6

Nɔmaa-wɔlen mɛnɛn nə n yɔrɔ dia la, bɛn tá re n nyɛnyɛɛ, sìi ba re ǹ kuĩ wa.

Loen 4:1

LOE-saalin goledɛnaa loe mɛn lɔ tùtu wuu li. Davida a loe.

Loen 61:2

Lawa, n too kɔ maa lɛ-dɛ li, n too kɔ maa nyankɔ li.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 86:13

A giala, mà n kɔn-narɛɛ á gole maa wɔ paǹ li, ń ma si gɛ̀ a bǎã babaraa zuzulu kɛ la.

Izayii 14:9

Geren piɛ, geren man bìn diɛ, maǹ nə n yɔrɔ boe die n diɛ n lɛ n daa waáraa. N din na a lɛa, maǹ kanaa a min dadaran yii kiɛ. Tɔrɔn tumaa a kiin man yui lon, ǹ nə́ n diɛ n lɛ.

Busii pɛ 3:55

Má n toa yala lɛ gɔ́ɔ̃ nɛ ma lɛ dia n din Dɛnaa Lawa la.

Ezekieli 26:20

Bɛa biikoo li, lɛlɛ minin kɛn yala-n, ma á re n diɛ kun ka bɛn nɛ. Ma á re tán giulun kɛ biɛ n giã ǹ bǎã lɛa. Min mɛnɛn bɛ́ yala-n, n tá re goɛ̃ kun ka bɛn nɛ, n nə n baa ka kɛbɔlɔ zizi á ke lɔn, màn mɛn bɛ́ toɛ, min din baran giã n nɛ doo wa, n nyan bǎã yɛ yiikoonaan kanaa kɛ-n doo wa.

Ezekieli 31:14

«Bɛ na á n zɛnaa, màn mɛn bɛ́ toɛ, da mɛn bɛ́ ǹ nə́ mu kiɛ a ganaa á n boe, bɛ baran n din saa lon, ka a mìi la daa a dɔ labaran ganaa wa. Ka bɛ dɔ nɛ, ta mu na á la a yii ni, a baran n saa din gole kɔ li, a n din soɛ kɔ ǹ miãn man wa. A giala, dan nɛ ka minbuiinin ni, ǹ tumaa n die giɛ̃, ǹ tumaa n die woe tán giulun, minbuiinin woo ǹ bǎã kɛ nɛ yala-n.»

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Luku 11:10

Sonbore, min mɛn bɛ́ màn nyankoe Lawa la, Lawa á re màn koe bɛa dɛnaa la. Min mɛn bɛ́ giɛ màn li Lawa li, bɛa dɛnaa á re màn yii. Min mɛn dɔ bɛ́ kiɛnlɛ dii, Lawa á re kiɛnlɛ buĩ bɛa dɛnaa nɛ.

Luku 22:44

Yiri lɔlɔkɔn baraa Yezu kũ, á wusoo á màn da a Lawa nyankɔ li. Á tɛ̀fuu pã, bɛ n kiɛ ka mà bɛ́ doɛ tán lɔn.]

Nya ǹ dín 2:27

máa n ba re ma toɛ geren li wa, ma bɛ́ n din a dí-nyali bɔlɔgoondɛnaa lɛa, n ba re toɛ ma gere bɔɔ̃ wa.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Samayeli1 1:16

N baran ma kũ min kɔrɔ lɛa wa, a giala, là-paparɛɛ a la yii-n laanka foo-busii a la yii-n na á ma da boo diɛ ganaa á daa dɔ sisia ganaa.»

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.