Zonaasi 1:4 - LAWA A BOO SONBORE

⁴ Sɛnɛ Dɛnaa Lawa piɛ̃ gole yoo Yìsi mu gole lɛ la. Piɛ̃ lɛ gole kɔ á la yii ni yǎa mu n kiɛ goo lɛ nɛ.

LAWA A BOO SONBORE 2011

⁴ Sɛnɛ Dɛnaa Lawa piɛ̃ gole yoo Yìsi mu gole lɛ la. Piɛ̃ lɛ gole kɔ á la yii ni yǎa mu n kiɛ goo lɛ nɛ.

Zonaasi 1:4 ပူးပေါင်းရင်းမြစ်များ

Loen 135:6

Sii mɛn tumaa bɛ́ kɔɔ̃n Dɛnaa Lawa ganaa, a n bɛ zɛnɛɛ, lon ka kanaa gɔ́ɔ̃ nɛ, kɔ̀ mu li, mu zuzulu tumaa giulun.

Loen 135:7

A din nə labaran goɛ lon kanaa gùrù goon ganaa, a la da tɛ-pɛ ganaa, màn mɛn bɛ́ toɛ la kaa. A din nə piɛ̃ boe a bǎã nɛ, a da bɔ ganaa.

Loen 148:8

La a tɛ-pɛ laanka la gii ni, *mu nyuù-wɔle laanka burumu ni, ka piɛ̃ gole kɛ nɛ a lɛ sii, ka loe lɔ ka a tɔ bɔ.

Bɔ bɛ̀rɛbaa nɛ 10:13

Muizu ná a bàlà lɛ saa lon, á dia gána lɛ la. Dɛnaa piɛ̃ bɔ lɛ̀giala-n á dia gána lɛ la, bɛa pinaa kɛ lɛ din tumaa gɔ́ɔ̃ nɛ: penleen laanka tèlò ne. Lɛ̀ waa á daa yaa, bɛ̀ piɛ̃ lɛ na á daa ka bisinin ni.

Bɔ bɛ̀rɛbaa nɛ 10:19

Dɛnaa piɛ̃ lɛ bɔyaa, á baa piɛ̃ kaka kɔ́n lɛa, boe lɛ̀nyɛɛnɛ, bɛ́ bisinin lɛn goa, á ǹ nyɛnaa á woo ǹ ne Sawɛɛ tà lɛ-a. Bisin goon din goã Ezipti gána lɛ paǹ kɔ́n nɛ wa.

Bɔ bɛ̀rɛbaa nɛ 14:21

Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

Bɔ bɛ̀rɛbaa nɛ 15:10

Sɛnɛ Dɛnaa, n din nə́ n piɛ̃ kɛ bɔ, tà mu nə́ ǹ kũ. Ǹ nə́ papaã mu gole lɛ giala-a ka fɔlɔ kuturu bɛ́ lɔn.

Zeremii 51:16

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Amɔɔsi 4:13

Ga le, a din na á kelen zɛnaa, a din nə piɛ̃ diɛ bɔ ganaa, a din na a taasiɛ nyɛɛ minbuiinin manɛ, a din nə wɔlɔ fúlu bɔyɛɛ a baa wɔlɔ tì lɛa, a din nə tɔ we kanaa a kele dadaran kɛn mìi ni kiɛ̃. A tɔ mà Dɛnaa Lawa, Lawa Pàãyiidɛnaa.

Minin nimi 11:31

Dɛnaa Lawa piɛ̃ da bɔ ganaa. Bɛa piɛ̃ lɛ pɛpɛrɛn goa yìsi mu bǎã nɛ, á daa ǹ nyɔmaa giã ǹ bǎã lɛ la, á ná a lɛnpɛnɛ nɛ. Giã ǹ bǎã lɛ a lon li bǎã li, pɛpɛrɛn lɛn gɔn bɔ á pinin goon tɔ-wɔ boe, a tán nɛ dɔ li, ǹ gɔn bɔ á pinin goon tɔ-wɔ boe. Giã ǹ bǎã lɛ paǹ tumaa li, a n miɛ̃. Pɛpɛrɛn lɛn wɔlɔ a lui tán ganaa n mɛtərə goon kɛ miã.