Zonaasi 1:3 - LAWA A BOO SONBORE

³ Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

LAWA A BOO SONBORE 2011

³ Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

Zonaasi 1:3 ပူးပေါင်းရင်းမြစ်များ

Siin Giala 3:8

Wasamiɛ̃nɛ, piɛ̃ lɔlɔɔ bɛ́ boe ǹ mɛn waáraa, ǹ nə́ Dɛnaa Lawa lɛ ma, n bibiĩ dù gɔrɔ lɛ gɔ́ɔ̃ nɛ. Ǹ nə́ nɔmaa ǹ nə́ n duru a nyɛɛnɛ dù gɔrɔ lɛ a dan bii.

Siin Giala 4:16

Kanyɛ ná a din wɔlɔ lui Dɛnaa ganaa, á woo gána kɔ́n nɛ Edɛn a lɛ̀giala gɔn la, ǹ nə́ bíi Nɔdi (bɛ giala mà "Gùli kɔ ǹ bǎã").

Kiin1 19:3

Yilii bɛ́ á yɛ miɛ̃, á yoo á ga la ǹ wɔlɔ li. Á ná a dí-nyali kũ, ǹ nə́ woo Bɛɛr-Sebaa kiwi, Zudaa gána nɛ. Ǹ bɛ́ ǹ nə́ dɔ walan, Yilii ná a dí-nyali lɛ toa walan.

Kiin1 19:9

A bɛ́ á dɔ walan, kele yala goon tan, Yilii na á lɛ̀ waa bɛ gɔ́ɔ̃ nɛ. Dɛnaa Lawa boo da ka Yilii ni á pɛ nɛ: «Yilii, wàa na á baa n tá kànaa?»

KZS2 2:15

N laadoo bɛ́ gɔn mɛn tumaa ganaa wɔsɛn tá re kuri Liban a kele la n wɔ lɛa. Wɔ á re n yii kun, wɔ ǹ kaa yìsi mu la, wɔ dia n la yǎa Zafa. Walan ń tá re ǹ kiɛ a guĩ ganaa yǎa Zeruzalɛmu.»

KZS2 2:16

Salomɔn n di Davida goã á tiin mɛnɛn nimi giã nɛ Izirayeli gána nɛ, Salomɔn bɛn goa. Maǹ min duupaabiɛsoorowensɔɔ ka biɛsɔrɔ (253 600).

KZS2 9:21

Bǎã sɔsɔɔ mu la ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Uramu wɔn nɛ. Lɛ̀ sɔsɔɔ gɔ́ɔ̃ nɛ, manə n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Ɛsidrasi 3:7

Bɛ kio, ǹ nə́ wɔrɔ kɔ kɔlɔ-sɛlɛlin laanka gɔn dí-nyalin la. Màn-bii ni, mi ǹ mànan nɛ, ka nyɔɔ nɛ, ǹ nə́ bɛn dɔn kɔ Sidɔn minin laanka Tiiri minin la, màn mɛn bɛ́ toɛ, ǹ nə n toa Liban ǹ *sɛdrə gɔn kaa yìsi mu la, ǹ da nɛ yǎa Zafa kiwi, a kɔnpɛ ka Pɛrsi gána a kii Siirusu a zii kɔ ǹ la nɛ.

Zɔbu 1:12

Dɛnaa Lawa tɔ́n pɛ Zɔ́ɔ lɛ nɛ: «Haya le! Màn mɛn tumaa bɛ́ Zɔbu wɔ lɛa, ǹ tá n gɔn. Sɛnɛ, n nyan toa n nə n gɔn da a dinmaa kɛ ganaa wa.» Bɛ kio, Zɔ́ɔ lɛ woo á n bɔ Dɛnaa Lawa yɔrɔ-a.

Zɔbu 2:7

Zɔ́ɔ Sɛtaan bɛa boo lɛ ma lɔn, á kiɛ̃ á n bɔ Dɛnaa Lawa yɔrɔ-a. A dɔ na á woo gɔrɔ, á gɔ̀nɔn ki busu babaraa da Zɔbu ganaa. A saa a gòãn ganaa a wo a baãbii yaa, a tumaa baayɛrɛ.

Loen 107:23

Min mɛnɛn bɛ́ we kɔ̀ mu li ǹ goon ne, bɛ̀ ǹ wo zii ni, min mɛnɛn bɛ́ ǹ dí nyɛɛ mu gole kɛ la,

Izayii 2:16

Mu la ǹ goon kɛn zii sɔsɔɔ tɔ wɔ ǹ wɔn lɛa, á re yui bɛn gialaa ka ǹ mɛnɛn bɛ́ pii màn giɔ̀mɔ kakaan goɛ.

Izayii 23:1

Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

Izayii 23:10

Tiiri, tán kɔsɔ ka Niili tà lɛ-a minin bɛ́ lɔn, a giala, bǎã sɔsɔɔ zii tɔ wɔ mu la ǹ goon golee ǹ bǎã banban doo wa.

Izayii 23:6

Ka yìsi mu wɔsɔ yǎa Tarsiisi. Kasɛn kɛn giã-n yìsi mu lɛkoro lɛ-a, ka gɛ̀ loe lɔ.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Zeremii 10:9

Gɔn-sɛlɛli nə́ ǹ sɛlɛ, Zan-kaali nə́ ǹ nyaǹ kɔ ka Tarsisi wɔrɔ nɛ, hinlaa ka Ufaazi sana nɛ. Bɛ kio, ǹ tɔn mɔnaa wɔ ǹ ganaa, mɔnaa wùsu tã hinlaa a koreeboree lɛa. Bɛ tumaa n gɔn dí-nyalin màn zɛnaa lɛa.

Ezekieli 2:8

Nsɛ minbuiin a nɛ, masɛ bɛ́ re boo mɛn pii n ni, n too kɔ bɛ li: N nyan toa n piã-wɔle baa ka minin kɛn bɛ́ lɔn wa dɛ. Má bɛ́ re màn mɛn koe n la, n lɛ bũ n bɛ si n sɔ̃.

Ezekieli 27:12

Tarsiisi minin kɛn, bɛn nə́ goã pii màn tɔrɔ tumaa pii kaa piɛ. Maǹ nə́ goã die ka wɔrɔ nɛ, fɔlɔ nɛ, fɔlɔ fu ni, ka fɔlɔ bù ni, bɛ̀ ǹ kɔ n la pii mànan lɛn dòo.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Zonaasi 1:10

Nyɛ́ɛ gole minin lɛ n kũ parsiini. Ǹ nə́ tɔn pɛ nɛ, mà wàa mɛn sii n ke á zɛnaa! A kɔnpɛ ka a din a da ǹ boo ne, minin lɛn nə́ dɔ̃ mà a n baa sii n boe Dɛnaa Lawa yɔrɔ-a.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Luku 9:62

Yezu pɛ nɛ: «Min woo min nə́ n gɔn da diin buu kɔsɔ ǹ kána-a, á wusoo á n yii bɔyaa á ga a kio, Lawa a boe la a na a kiibaa ǹ dí kɛ nya ka bɛa dɛnaa-n wa.»

Nya ǹ dín 15:38

Sɛnɛ, Pooli sɛ, mà min mɛn bɛ́ á n na á n bɔ ǹsɛn ganaa Panfilii gána nɛ, a ná a dí lɛ nya kun ǹsɛn nɛ wa, mà bɛa dɛnaa a koe masɛ lɛ wa.

Nya ǹ dín 26:19

Pooli pɛ: «Kii Agripaa ganaa, bɛa yɔrɔ kɛ lɛ la, bɔ lon a din nyaa masɛ nɛ wole kɛ lɛ màn mɛn pɛ, man piã a bɔlɔ-n wa.

Nya ǹ dín 9:36

Lɔ goon na á goã Zoopee kiwi, a na á goã Lawa-nyankɔle lɛa, a tɔ n Tabita, ka Grɛki bɔlɔ nɛ mà Dɔrkaasi, bɛ giala mà "Wore". Á goã zɛnaa ǹ sii sonboren zɛnɛɛ parsiini, á goã doobaan dɔn goe ka màn nɛ.

Nya ǹ dín 9:38

Liidaa kiwi wɔlɔ bɛ́ a ba sɔsɔɔ Zoopee kiwi ganaa wa, Lawa-nyankɔlen lɛn bɛ́ ǹ nə́ ma mà Piɛrɛ tá Liidaa, ǹ nə́ min paa dia mà ǹ wo pɛ Piɛrɛ nɛ mà ǹsɛn man a nyankoe mà a da sisia.

Nya ǹ dín 9:42

Zoopee kiwi din tumaa bɛa boo kɛ lɛ ma, min gigiã golee Dɛnaa li.

Nya ǹ dín 9:43

Piɛrɛ giã Zoopee á belebɔ boɛɛn nɛ. A na á goã ki dí-nyali goon a kion, a tɔ n Simɔn.

Korɛnti1 9:16

A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Zozoe 19:46

Yarkɔn tà kɛ laanka Rakɔn nɛ ka bǎã kɛ nɛ Zafa kiwi yɔrɔ-a.