Zeremii 9:4 - LAWA A BOO SONBORE

⁴ Didie nə ǹ miã siɛ̃, Min kɔn ba sonbore pii wa. Ǹ tumaa lɛ muĩ soɛ nɛ. Ǹ nya ǹ dí n ka sii baraa nɛ.

LAWA A BOO SONBORE 2011

⁴ Didie nə ǹ miã siɛ̃, Min kɔn ba sonbore pii wa. Ǹ tumaa lɛ muĩ soɛ nɛ. Ǹ nya ǹ dí n ka sii baraa nɛ.

Zeremii 9:4 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 15:3

A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 25:18

Min mɛn bɛ́ soɛ woon diɛ n miã la, a n goon ka bàlà gole ne, gɔya sa hinlaa kiɛ pɛpɛnɛ nɛ.

Suusun 4:16

Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa.

Suusun 4:17

Hiĩ! Maǹ nə n dinin toe ka sii baraa kɛ nɛ ǹ tá zɛnɛɛ. Kakaarɛbaa la ǹ yii ni.

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 9:16

Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.

Zeremii 12:6

Sonbore, n tanlɛ minin laanka n sumu lɛ minin dinin manə n yiri siɛ̃. Maǹ nə n lɛ dii n ganaa. Ta maǹ boo diɛ n nɛ sɔnbɔraanɛ, n nyan nə n foo doa ǹ ganaa wa.

Zeremii 6:28

Ǹ tumaa n gòãn dii wolen lɛa, Ǹ foo n kaka. Maǹ soɛ diɛ kɔn la. Ǹ sii a kakabaa n ka zan hinlaa fɔlɔ wɔ bɛ́ lɔn. Ǹ tumaa n basaã-kɔle lɛa.

Zeremii 9:8

Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa? Dɛnaa Lawa a da ǹ boo ne.

Ezekieli 22:9

N piɛ Zeruzalɛmu, tɔ-ziziɛ̃lin tan, ǹ nə́ minin kiɛ gɛ̀-dɛ ganaa. Kiwi lɛ nɛ, ǹ nə́ dì wúlu bɔ ǹ mànan bii kelen la, ǹ nə́ sii gɛsɛn zɛnaa.

Lawa a wúlu-bɔlen 19:16

Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.

Malakii 2:10

Wɔ tumaa bie di goon nɛn lɛa wa? A din Lawa goon kɛ lɛ bie á wɔ tumaa zɛnaa wa? Wàa na á baa wɔ á baraabaa zɛnɛɛ kɔn nɛ. Wɔ bɔlɔgoondɛnan baa ka wɔ digolon lɛ kɔ kɔn la ká Lawa-n kɛ-n wa.

Matiə 10:17

Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

Matiə 10:21

Minin tá re ǹ dinin dɔɔ̃nɔn koe pàã gɛ̀ la, díin tá re zɛnɛɛ ǹ nɛnyaanan manɛ miɛ̃, nɛnyaanan tá re n bɔyɛɛ ǹ yɛ wolen li ǹ nə ǹ kɔ pàã gɛ̀ la.

Luku 21:16

Ka dɔɔ̃nɔn laanka ka yɛwolen ne, ka ka giaáran tá re ka we minin gɔn, haalɛ kaa díin laanka ka daanan dɔn dinin. Ǹ tá re ka tɛnɛn dinin dii ǹ gã.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.